SAM 98:9 - Khumi Common Language Bible

⁹ mymy i mo y vanrei, amo theu khulym thui naimy palo u. Mymy ly khaileaung pri khumi bawibawichi ai leu meitang naimy peang ai.

SAM 98:9 ပူးပေါင်းရင်းမြစ်များ

SAM 67:4

Nang ly khumichi ai leu meitang naimy tara chih iy, khumi cheng cheaungkhangchi ai lam patei nai deaungkho y, nichi ly amo theu naimy khulym thui u sy.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

SAM 9:9

Areng ly ana patang naira avum naichi i abyhra hawi, ngari kamtang avum nai neng khala chymme naira ne.

SAM 96:10

“Areng ly samrang ne! Mymy ly khaileaung pri y khaw hai nai deaungkho y asyh thai y bo; mymy ly khumi bawibawichi ai leu meitang naimy tara chih ai, nanai khumi cheng cheaungkhangchi teng y thui pi u.

SAM 96:13

Ati mana nai mo nabaly Areng ly khaileaung pri y peang ai nai ang jeu nai deaungkho y ne. Mymy ly khaileaung pri khumi bawibawichi ai, leu meitang naimy peang ai.

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

AMTAW 17:31

mymy ly mymy i khumi khai rym nai ai ly khaileaung pri y hawihai palai tarahih hai ai nai kani thui yb nai deaungkho y; huna nai Tameuh my mymy ai ly kadeichi theung i dengdairei pathau iy, khumi bawibawichi teng y thai hai khyp bo,” napi.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.