SAM 98:4 - Khumi Common Language Bible

⁴ Khaileaung i khumi bawibawichi awi, amo theu naimy khulym thui iy, Areng i nang parai nai ai palo u; khulymchi thui iy amo theu aeu naimy, mymy ai palo u!

SAM 98:4 ပူးပေါင်းရင်းမြစ်များ

SAM 100:1

Aw khaileaung pri i khumi bawibawichi awi, khulym thui naimy Areng i nang parai nai ai palo u!

SAM 66:1

Khumi bawibawichi awi, Tameuh ai amo theu naimy aeu iy palo u!

SAM 66:4

Khaileaung pri y awm nai khumi bawibawichi ly nang ai chiu u; nichi ly nang ai palo u bo; nang i amyn y palo nai khulym thui u nai ne,” nanai Tameuh teng y pany hai u.

SAM 67:4

Nang ly khumichi ai leu meitang naimy tara chih iy, khumi cheng cheaungkhangchi ai lam patei nai deaungkho y, nichi ly amo theu naimy khulym thui u sy.

SAM 71:22

Kai ly meitang khyp, nang ai taro beu naimy kang palo ai; aw kai i Tameuh, kai ly nang i ka-ym awm nai sai ai palo ai. Israela chengchi i nang parai nai keung ne nai nang ai taro beu iy khulymchi hawi palo ai.

SAM 95:1

Jeu u, Areng ai palo u sina! Achi i abyh naira Tameuh i nang parai nai ai amo theu parai naimy khulym thui u sina!

SAM 95:2

Kawn nai leu thui naimy mymy i mo y chei u sina; amo theu parai naimy palo nai khulymchi thui u sina.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 42:11

Daichi ka-vym hawi hunichira y awm nai marychi ly Tameuh ai palo u sy; Keda kangpreang bawibawichi ly mymy ai palo u sy! Selah mary i khumichi ly mawi saleung mang dengdairei, amo theu nai aeu u sy!

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

ZEPHANIAH 3:14

Aw Israela khumichi awi, amo theu naimy khulym thui u! Aw Jerusalem mary awi, nang ly paleung pathym hawi verei amo theu u!

MATTHAI 21:9

Naibaly mymy i mo mang y tako nai hawi mymy ai hui nai khumi mipuichi ly, “Tameuh my Davida i chapo ai tahm pasang sy; Areng i amyn y jeu nai ly tahm hawi; salo mang i nai ly Tameuh my ni ai amtheaung hai sy,” nanai aeu u.

AMTENG HAI NAI 19:1

Huni bo y ly kani pri mang i khumi mipui neangneangchi ly tao pajeng parai nai kamta naimy, “Haleuja! Paheng naira hawi, nang parai naira hawi, sa thai naira py kaichi Tameuh i ne:

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.