SAM 98:1 - Khumi Common Language Bible

¹ Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

SAM 98:1 ပူးပေါင်းရင်းမြစ်များ

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 105:5

Mymy i miseaung Abraham i kangpreangchi awi, mymy i vawi takhra nai Jakob i kangpreangchi awi, nangchi ly Tameuh i patei nai rengrang ka-ma-rachi ai py, mymy i khai pi nai tara chih nairachi ai py, pany u jo ba.

SAM 136:4

Mymy leaungrei naini rengrang ka-ma-rachi patei pi; mymy i tamen nai ly deungtasarei ne.

SAM 139:14

Nang ly jei ai hawi parai nai keung ne nai deaungkho y, kai ly nang ai kang palo bo. Nang i sa nai leaungsai ngiereichi ly lyh ai nai hawi parai, nanai kai pany angchi khyp bo.

SAM 149:1

Areng ai palo u! Areng i mo y khulym kangtha thui u; mymy ai ka-ym awm nai khumichi i achu naira y, mymy ai palo u!

SAM 33:3

Mymy i mo y khulym kangtha thui u; katyn hawi parai naimy taro beu u; amo theu parai naimy aeu u!

SAM 72:18

Israela chengchi i Tameuh napi nai Areng ai ly palo u! Mymy naini hina nai lyh ai hawi parai naichi sa nai ne.

SAM 77:14

Nang ly rengrang ka-ma-rachi sa pi nai Tameuh ne; nang ly nangmy i sa thai nairachi ai khumi cheng cheaungkhangchi teng y patei pi bo.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

SAM 96:1

Areng ai ly khulym kangtha thui naimy palo u! khaileaung pri khumi bawibawichi awi, khulym thui naimy Areng ai palo u!

SAM 96:3

Khumi cheng cheaungkhangchi teng y mymy i nang parai nai sai py, khumi bawibawichi teng y mymy i lyh ai hawi nai saichi py amthang hai u.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 15:6

“Aw Areng, nang i lamtang kiu i sa thai naira ly rengrang iy jei hyn ai nai hawi parai; sa thai naira hawimy paleung ka-echi ai pasum be bo.

ISAIA 12:5

Mymy i sa nai nang parai naichi molam y, Areng nang parai nai ai palo u. Khaileaung pri i khumi bawibawichi teng y, huni satang thui pi u.

ISAIA 42:10

Khulym kangtha thui iy, Areng i nang parai nai ai palo u. Khaileaung pri i khumi bawibawichi awi! mymy ai palo nai khulym thui u. Pangli y amki naichi awi, mymy ai palo u! Kamlo prichi hawi hunichira y awm nai khumi bawibawichi awi, khulym thui u!

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 59:16

Ana naira avum nai khumichi ai atleu ai nai khumi by y nai py niu i, lyh parai nai ne. Hunai deaungkho y mymy ly nichi ai sa thai naira hawi atleu iy, mymy i hawi nai saho y eaung naira nga u ai.

ISAIA 63:5

Kai ai sabawm ai nai khumi leaungrei py by y nai niu nai khala y, kai ly lyh na lawh bo. Na i py kai i kado theu naira my kai ai atho pei nai deaungkho y, kaimy kypkyp my eaung naira nga tanga nai ne.

JEREMIA 31:22

Ka-ym by y nai khumichi awi, nangchi ly mana tanrei kakra aninaw u ai rai mo? Neampachy my neampacho ai ama hai pajau nai ly rengrang nai kamta, kai Areng ly atiti takhra kangmeng kangtha sa nai ne,” napi.

LUKA 1:49

Atiti sa thai nai keung my kai i tlang tleaung y atiti ka-teng ny y nai ang sa pi bo; Mymy i amyn py kachai ne.

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

AMTAW 19:20

Huna tanrei Areng i leu ly ahei iy pajau bo.

AMTAW 2:11

Krit tlawn i awm naichi hawi, Arabi pri i awm naichi py Tameuh i atiti sa nai nang parai naichi nichi i thui nai, amy i leu ana pa-rei achi thai na ly,” napi.

KOLOSA 2:15

naibaly mymy ly areng nairachi hawi aly peang nairachi ai ly leng iy kamtawi y my hunichi ai amteng hai nai teaung nai, kraws y ly hunichi ai pajau bo.

AMTENG HAI NAI 14:3

naibaly nichi ly areng atehra mo y hawi, heng nai amjy palyhreichi hawi, miteaung kehchi i mo y py khulym kangtha ka-tawm naimy thui u bo; naibaly khaileaung pri i dengdairei atleu nai taseng atlo meaungkateaung palyh pa-ngo sang palyhreichi khyh ny y baly ami py huni khulym amtiu thai y.

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.

AMTENG HAI NAI 5:9

Naibaly nichi ly khulym kangtha thui iy, “Nang ly huni cha-iu aeang la ai nai hawi, huni i pajawp typ naira ka-ma-ra su ai nai py ataing: Ati mana nai mo nabaly nang tleh nai amteng i, cheng cheaungkhangchi hawi, leu cheaungkhangchi hawi, khumi cheaungkhangchi hawi, theaung cheaungkhangchi theung i nai Tameuh i vui y nang i thi hawi van bo;

AMTENG HAI NAI 6:2

Naibaly kai ly khen i, khen cham keaungngo kangleung harei awm i, huni tleaung y atang nai keung ly thai syn bo; naibaly areng lukhym mymy teng y pei bo; mymy ly pajau nai thym khala y pajau ra ai nai theu bo.