SAM 97:11 - Khumi Common Language Bible

¹¹ Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

SAM 97:11 ပူးပေါင်းရင်းမြစ်များ

ESTHER 8:16

Juda chengchi ly paleung savairu nai y, amo theu naimy tahm asang u bo.

JOBA 11:17

Nang i heng nai ly kanithun teng nai kani tleaung y malawn py, angvang keh ai. Veng nai neng py khutawi mo kamta, angvang phang ai.

JOBA 22:28

Nang ly dawn tau nai kamta eaung ai. Nang i heng nai deung ly kangvang angvang phang na ai.

SAM 112:4

Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 18:28

Aw Areng, nang ly kai ai kangvang pei; kai i veng naira ai tama hai vui bo.

SAM 68:4

Tameuh ai khulym thui pi u; mymy i amyn y palo nai khulym thui u; tamai tleaung y atangnai keung i vui lam so pi u; mymy i amyn ly Areng ne; mymy i mo y amo theu u.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

JOHAN 12:46

Ami py kai ai ym nai ngierei ly kaveng y awm jo y ai nai, kai ly kangvang, khaileaung pri y kang jeu nai he.

KALATIA 6:8

Amymy i tlang mang y hei nai keung ly tlang i veaung naira pakym ai i, Phailo mang y hei nai keung ly Phailo mang i deungtasarei hengra pakym ai.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.