SAM 96:2 - Khumi Common Language Bible

² Areng ai ly khulym thui naimy palo u! Mymy ai ly palo u! Mymy ly achi ai atleu nai keung ne, nanai satang kahawi ai kani tlei tleirei thui u.

SAM 96:2 ပူးပေါင်းရင်းမြစ်များ

1 NENG SATANG 29:20

Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

SAM 103:20

Sa thai naira haiho len parai iy, mymy i leu pei naichi sa patawm nai, mymy i leu tangai nai kani pri amtaw thauchi awi, Areng ai palo u!

SAM 145:1

Kai i Tameuh, kai i samrang, kai ly nang i nang parai nai sai amthang hai ai; nang ai kawn naimy deungtasarei palo ai.

SAM 145:10

Aw Areng, nang i sa nai heng nai amjy bawibawichi ly nang ai palo u ai; nang i khumichi ly kawn nai palo u ai.

SAM 145:2

Kai ly nang ai kani tleirei kawn naimy palo ai; nang ai deungtasarei palo ai.

SAM 40:10

Kai ly atleu nai satang thui y ai nai am-yh pajau y; Nang i ka-ym awm nai satang hawi, sabawm nai satang ai avawrei kathui nai ne. Nang i khumi bawibawichi achu naira y, kai ly nang i ka-ym awm nai satang hawi, khaw parai nai tamen naira satangchi apha y ai.

SAM 71:15

Kai ly nang i hawi nai sai kathui ai; nang i atleu nai ly kai i pany nai tleaung y thiu parai nai ne; na i py huni pahen nai satang ai kai ly kani khengrei thui ai.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

AMTAW 13:26

“Amjo amnauchi awi, Abraham i kangpreang chanauchi awi, nangchi theung y Tameuh ai tahm khai nai bawibawichi awi, achi teng y hini heng nai leu ang pa nai bo he.

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

AMTENG HAI NAI 5:13

Naibaly kani y hawi, khaileaung tleaung y hawi, khaileaung theung y hawi, pangli saleung y hawi, hunichi theung y awm nai bawibawichi py, “Areng atehra tleaung y ateh nai keung hawi Beram Cho teng y py amtheaung naira hawi, tahm pasang naira hawi, palo naira hawi, aly peang naira py deungtasarei awm jojo sy,” napi nai kathai.