SAM 95:7 - Khumi Common Language Bible

⁷ Mymy ly achi i Tameuh ne; achi ly mymy i kry nai khumichi, mymy pacho panei nai beram kanghuchi ne. Mymy i leu pei nai ai, vaini tangai u sina:

SAM 95:7 ပူးပေါင်းရင်းမြစ်များ

1 NENG SATANG 16:14

Areng ly achi i Tameuh ne; mymy i leu pei naichi ly khaileaung pri verei i vui ne.

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 115:3

Kaichi i Tameuh ly kani pri mang y awm iy, mymy i ngai nai kamta, ati cheaungkhangchi ai sa bo.

SAM 23:1

Areng ly kai i beram typ keung ne i, kai ai ang kry bo; naibaly kai ly ngai nai ryreichi nga nai ne.

SAM 48:14

Huna nai khala nangchi ly “Hini Tameuh ly deungtasa khrairei achi i Tameuh ne; mymy ly achi ai deungtasarei ang pahawi ai,” nanai mo mang i deung kangthauchi teng y thui pi pajau ai.

SAM 67:6

Khaileaung ly amti amjangchi ai thawn hai; achi i Tameuh ly achi ai amtheaung naira pei nai ne.

SAM 74:1

Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

SAM 79:13

Huna nai khala y beram kanghu napi nai nang i khumi kaichi ly kawn naimy avawrei kang palo jojo ai; katu chanau deungrei kang palo u jojo ai.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

LEU KACHENG 8:6

Kai ly leu kahawi katheu ai; tangai u. Kai i thui nai leu bawibawichi ly kateng ne.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

HEBRAI 11:16

Na i py vai ly nichi ly kani pri mang y awm nai, hawi tleaung hawi ra nai pri dawn nai ne; hunaibaly Tameuh my nichi i Tameuh angam ai nai kaji y leang; mymy ly nichi i vui avang khai pi rym veng bo.

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

HEBRAI 3:15

achi ly Krista y phy nga nai keungchi ne; Naibaly hini leu ly, “vaini ly mymy i raawi thai u baly pangaw hai nai thym khala i kamta ly, nangchi i paleung tang hai u moh,” nanai thui reng nai ne.

HEBRAI 4:7

mymy ly kra parai nai bo y Davida i labeaung y, “Vaini” nanai ly kani khai rym bo; vaichi i tajiu nai kamta, Nangchi i paleung tang hai u moh,” napi.

I PETERA 2:25

Nangchi ly beram kamta lam tamang nai ne i, vai ly nangchi i phailo ai ang typ nai hawi peang nai keung teng y vawi ali u teang veng bo he.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.