SAM 95:4 - Khumi Common Language Bible

⁴ Mymy ly khaileaung thiu parai nairachi dengdairei, asang keh nai mawichi khrairei, khaileaung pri verei y peang nai ne.

SAM 95:4 ပူးပေါင်းရင်းမြစ်များ

JOBA 11:10

Tameuh ly nang ai ang patiu iy angchih lawh baly, mymy ai ami paka pajau ai mo?

JOBA 9:5

Mymy ly mawichi ai vaimy asyh hai tamangtang bo. kado theu iy taphra pawn bo.

SAM 135:6

Mymy ly kani hawi khaileaung tleaung y py, pangli hawi pangli thiu parai nai theung y py, mymy i ngai nai kamta, ati cheaungkhangchi ai sa nai ne.

SAM 21:2

Nang ly ni i kadeaung nai pei pi; ni i chiu sa nai pathang pi bo.

SAM 65:6

Nang ly sa thai naira hawimy mawichi ai meingtym tasyh iy, nang parai nai sa thai naira pateng bo.

SAM 71:20

Nang ly kai ai khri pa-rei patang nairachi avum hai teu i py, nang ly kai ai atho awm hai teang iy, deira i nai atleu pi bo.

SAM 97:5

Khaileaung pri ai peang nai keung napi nai Areng i mo y, mawichi ly samdai kamta tlawn vui bo.

MIKHA 1:4

Huna nai khala mawichi ly mai hawi avum nai phajeaungdeng kamta tlawn vui ai. Naibaly mawi salo mang dengdairei mawi anui y tui leaung nai kamta, leaunghawi mang y athui jawn ai.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

HABAKKUK 3:10

Nang ai niu nai khala, mawichi ly amchyh u; Kani mang dengdairei tuichi leaung. Khaileaung theung i tuichi ly katyn amsau na; tui sampyhchi py asang na bo.

HABAKKUK 3:6

Mymy anawn nai khala y, khaileaung amchyh na. Tlenrei khen lau nai ryrei my, khumi cheng cheaungkhangchi ahyn u bo. Deungrei awm nai mawichi ly dei lawm vui iy, jangni jangkhawn i neng y mymy aleaung reng nai, mymy awm jojo nai mawi katheangchi ly tama pawn veng bo.