SAM 94:2 - Khumi Common Language Bible

² Nang ly khumi bawibawichi ai tara chih nai keung ne; ang thau iy paleung len nai khumichi ai mychi hawi ataing nai kamngo pajeng pi ba!

SAM 94:2 ပူးပေါင်းရင်းမြစ်များ

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

2 NENG SATANG 20:12

Nang ly kaichi i Tameuh ne! Kaichi ly vai, ang tiu ai nai jeu nai tavaimi kamkawm pui ai kaichi ly amtang pajau y nai deaungkho y, mana sa ai mo, nanai dawn pajau y. Na i py kaichi ly sabawm naira nga ai nai, nang teng y angdeang u nai bo,” nanai tao pajeng parai naimy chiu sa nai ne.

SAM 31:23

Mymy ai ka-ym awm nai khumi bawibawichi awi, Areng ai tamen u. Ka-ym awm nai khumichi ai Areng ly ama hai bo. Na i py paleung len amlyh nai khumichi ai ly amlau nai kamngo pajeng pi ai.

SAM 50:6

Tameuh mymy kypkyp ly tara chih keung ne i, ka-dyh ka-dawi naimy chih pi ai, nanai kani khusang my amthang hai bo.

SAM 68:1

Tameuh ly ang thau iy mymy i paleung ka-echi ai ahei hai; mymy ai niu ngai y nai khumichi ly sum iy preang pawn bo.

SAM 7:6

Aw Areng, kado theu naimy ang thau ba! Kai i tlang tleaung y ka-jo hau nai khumichi i kado theu nai paka pi kyh ba. Angthau iy kai ai sabawm ba! Nang ly leu meitang adyh adawi nai ai ngai nai deaungkho y,

SAM 74:22

Aw Tameuh, ang thau ly nang i sa thai naira tym hai ba; Tameuh ai pany y nai khumichi my, nang ai kani khengrei panui hai nai ly pany jo ba.

SAM 82:8

Aw Tameuh, jeu ly khaileaung pri ai peang ba; khumi cheng cheaungkhangchi ai nang ly peang nai ne.

ISAIA 10:12

Na i py Areng my, “Kai ly Zion mawi hawi Jerusalem mary y sa ai awm nai kalop sa pajau bo nabaly, Asuria empara samrang teng y my i amlyh nai hawi paleung len nai molam y kamngo pajeng ai,” napi.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 37:29

Nang i kado theu nai, amlyh am-e naichi ai kai ly kapany nai ne. Hunai deaungkho y kai ly nang ai notareang pakau iy labeaung pakau chum baly, jeu nai lam mang kang vawi hai ali teang ai.”

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

MIKHA 5:9

Israela chengchi ly paleung ka-echi ai tiu u ai.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.