SAM 94:14 - Khumi Common Language Bible

¹⁴ Areng ly mymy i khumichi ai aphi su ai ny y; mymy i peang nai khumichi ai ly khai su ai ny y.

SAM 94:14 ပူးပေါင်းရင်းမြစ်များ

SAM 34:12

Nangchi ly amo theu naimy awm ai nai ngai u a? Tlang heng nai hawi vanrei amo theu naira ngai u a?

SAM 37:28

Ati mana nai mo nabaly Areng ly kahawi sa nai ai kawn iy, mymy ai ka-ym awm nai khumichi ai khai su y nai deaungkho y ne. Mymy ly nichi ai avawrei ama hai bo. Na i py khumi hawi y naichi i kangpreangchi ly pri pala nai avum ai.

SAM 74:2

Jangni dengdairei nangmy vawi takhra nai khumichi, nangmy i khumichi lawm ai nai miseaung i nai atleu pi nai khumichi ai pany jo ba. Vaichi khala nangmy awm reng nai Zion mawi ai pany jo kyh ba.

SAM 94:5

Aw Areng, nichi ly nang i khumichi ai chiu piupa bo; nang i peang nai khumichi ai ana u piupa bo.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

ROM AVANGCHI TENG Y PAWLA I CHA PA NAI 8:30

naibaly mymy i khai rym naichi ai ly ang palau teang; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang.

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

Leu Thui Nai 31:6

Atho ala iy sorai paleung thau u. Huni khumi chengchi ai jei u moh. Nangchi i Areng Tameuh ly nangchi ai awm hai ai. Mymy ly nangchi ai ang sabawm takengkei ai i, nangchi ai ang khai su ai ny y,” napi.

Leu Thui Nai 31:8

Areng mymy kypkyp my nang ai pahawi ai i, nang hawi vanrei awm ai. Mymy ly nang ai sabawm takengkei ai, nang ai khai su y leang. Hunai deaungkho y athosi moh, jei py jei moh,” napi.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.