SAM 92:5 - Khumi Common Language Bible

⁵ Aw Areng, nang i sa nai leaungsaichi ly khri pa-rei lyh parai na a! nang i dawn nai saichi py thiu parai na!

SAM 92:5 ပူးပေါင်းရင်းမြစ်များ

SAM 104:24

Aw Areng, nang i sa nai leaungsaichi ly nawi parai na ly! Cheng nai hawimy huni bawibawichi ai sa! Khaileaung ly nang i sa nai heng nai amjychi hawimy kawi na bo.

SAM 111:2

Areng i sa nai saichi ly lyh ai hawi parai na! Huni sa nai saichi ai ngai nai khumi bawibawichi ly hunichi pany ai nai hau u nai ne.

SAM 139:17

Aw Tameuh, nang i dawn nai saichi ly kai i vui khri pa-rei rai parai; hunichi ly nawi parai na ly!

SAM 36:6

Nang i adyh adawi nai ly asang parai nai mawi aheung hawi atawm na bo. Nang chih pi nai saichi ly pangli i thiu parai nairachi hawi atawm; nang ly khumi hawi amso tawnbawichi ai kry nai ne.

SAM 40:5

Kai i Areng Tameuh, nang ly kai i vui ati cheaungkhangchi sa pi. Nang hawi pata pajau nai khumi leaungrei py by y! Nangmy kaichi i vui dawn pi nai ka-dawnchi ly lyh ai hawi parai nai ne. Huni atitichi ly nawi parai nai deaungkho y, hunichi ai kati pajau y nai ne.

SAM 64:6

Nichi ly hawi y nairachi dawn tau u iy, “Khri pa-rei tau cheng nai kalop ai achi dawn nai ly amcheang bo,” nanai thui u nai ne. Khumi i paleung hawi dawn tau nai sai pany ai nai khri pa-rei rai na ly!

SAM 66:3

“Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

Parip nai leu 7:24

Khumi i heng nai sai ami pany pajau ai mo? Huni ly achi i vui khri pa-rei thiu parai, pany thai ai nai khri pa-rei rai parai.

ISAIA 28:29

Ni ly hini cheng naira ngiereichi ai, ati cheaungkhang sa thai nai keung Areng teng i nga nai ne. Tameuh i sa nai katauchi ly cheng naira ka-dawn angym iy eaung naira nga jojo nai ne.

JEREMIA 23:20

Huni kado theu naira ly mymy i sa ai tau nai ngiereichi amcheang y ryrei ly rym lawh ai ny y. Hunichi ai mymy i khumichi ly tym ai nai neng kani khala y, chaipyn pa-rei pany u ai,” napi.

I KORINTH 2:10

nanai tajiu kamta, hunichi ly Tameuh my achi ai ly Phailo i saho y ang pany hai nai bo. Phailo my ly ati cheaungkhang khen patawm be nai ne; ne, Tameuh i leu kathiuchi py.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.