SAM 92:12 - Khumi Common Language Bible

¹² Khumi kahawichi ly chamleaung keungchi kamta, apu parai naimy awm ai; nichi ly Lebanon mawi i saitleang keungchi kamta, achaw angvai ai.

SAM 92:12 ပူးပေါင်းရင်းမြစ်များ

1 ARENG KEH 4:33

Ni ly Lebanon saitleang keungchi dengdairei, apaichira i amjang nai hupssop keung khrairei, dengkeaung katheang kalenchi ai khulym adi iy tajiu bo. Amso tawnbawichi, tavochi, ava iy heng nai amjy cheaungkhangchi hawi ngochi raurei py, khulym mang adi iy tajiu bo.

1 ARENG KEH 6:29

Achura Yhm takun pui angpang hawi takun dengpangchi ai kheruben mynchi, olive keung hawi kaseaung pau mynchi thiu iy ka-pu sa bo.

ESTHER 9:5

Hunai deaungkho y Juda chengchi ly paleung ka-echi i tlang tleaung y ngai nai kamta sa pajau; huna nai y nichi ly paleung ka-echi ai haisau hawi tleh u bo.

SAM 1:3

Huni khumichi ly tavo peang y prau nai neng tym baly athai iy ngam ajawi vai y nai keungchi hawi atawm. Nichi ly sa naira tleirei y eaung jojo reng nai ne.

SAM 104:16

Areng my ui nai mymy i dengkeaung keungchi napi nai, Lebanon daichira i saitleang keungchi ly kanitui neangneang nga bo.

SAM 148:9

Mawichi hawi mawi aheungchi awi, thengthai keungchi hawi thengreungchi awi,

SAM 37:34

Areng ai athang khai naimy reita leu pei naichi ai atyp ba. Mymy ly nang ai pri amtym ai nai pei iy, tahm pasang ai. Nang ly khumi hawi y naichi ai pri pala nai niu ai.

SAM 52:8

Na i py kai ly Tameuh i yhm sahawi y prau nai olive keung hawi atawm nai ne; kai ly nang i khaw parai nai tamen naira ai deungtasarei ym bo.

SAM 72:7

Samrang i deung y leu meitang adyh adawi naimy peang hai sy; lo my kangvang pei nai ryrei ly tlamsa naira awm sy.

SAM 92:7

Huni ly khumi aso y naichi acha keungchi kamta sai-eung iy, kahawi so y nai khumichi nang chawn u teu i py, huni khumichi ly myn kang naira avum u ai.

ISAIA 55:13

Vai, aleng keungchi prau nai meingtymra y saitleang keungchi prau ai. Aleng phreungchi awm nai meingtymra y preaungmui keungchi prau ai. Hini atitichi ly kai, Areng i kuchi pany jo ai nai, deungtasarei khaw jo nai ka-ma-ra harei lawm ai,” napi.

ISAIA 65:22

Kreip hang py takhra khumichi nei ai nai nga u ai ny y. Kai i khumichi ly dengkeaung kamta heng sau u ai. Nichi ly mychi i kalop sa nai lawi bym pa-rei cha ai nai nga u ai.

JEREMIA 17:8

Huni khumichi ly tavo peang y prau iy tui awm nai mang y tangjyn pala nai dengkeaung keung hawi atawm. Huni keung ly ngamchi heng-yh jo nai deaungkho y, kanipui i kani kabi ai jei y. Kani khang khala py mawnra by y i, athaichi athai jojo reng nai ne.

AMOS 2:9

“Huna nai kamta ly kai i khumichi awi, kai ly nangchi i vui saitleang keung tanrei asang iy, ngopraibiu keung kamta atho awm parai nai Amori khumichi ai kataphra pi chauchau bo.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

Kati Nai 24:6

Amjynta na pa-rei prau nai unla keungchi hawi atawm; tavo peang y sa nai akhochi hawi py, Areng my ui nai akjaw keungchi hawi py, tui kangsa y prau nai saitleang keungchi hawi py atawm.