SAM 91:5 - Khumi Common Language Bible

⁵ Nang ly vum y avum reng nai ka-jeirachi ai py, kanithun y tym miu reng nai khrukhra nairachi ai py,

SAM 91:5 ပူးပေါင်းရင်းမြစ်များ

2 ARENG KEH 7:6

Areng my Suria khumichi teng y, keaungngo atang nai risachi, tavai ka-richi hawi tavaimi kamkawm pui tavai thau nai katyn thai hai nai deaungkho y, Suria khumichi my, “Israela samrang ly achi ai tiu ai nai Hiti samrang hawi Aikupta samrangchi teng y kasabawmra hnei nai bo,” nanai thui u.

JOBA 6:4

Ati cheaungkhang sa thai nai Tameuh ly kai ai thailiho chyn hawi ko nai deaungkho y chyn kamtlau ly kai i ngan tlang theung y num be bo. Tameuh ly khri pa-rei jei ai hawi parai nai patangrachi, kai i tlang tleaung y tym hai ai nai khai yb bo.

SAM 112:7

Hunai deaungkho y ni ly satang hawi y naichi thai ai ny y; ni ly Areng ai ym nai khumi ne nai deaungkho y, ni i paleung ly khaw nai ne.

SAM 46:2

Hunai deaungkho y khaileaung ahyn naimy mawichi ly suida pangli theung y tla teu i py,

LEU KACHENG 28:1

Khumi hawi y nai ly mymy ai pareng nai khumi by y pui naimy angpreng reng. Na i py khumi kahawi ly khrangsi kamta vam parai nai ne.

Solomon i khulym 3:8

Hunichi bawibawi ly haisau hawi tavai atiu kawp naichi ne. Nichi ly tavai atiura y kyhchaw nai risachi ne. Nichi ly vum y paleung ka-echi my tiu pajau y ai nai haisau pa u akyhkyh iy typ u bo.

ISAIA 21:4

Kai i lu ly ami kalaka naimy, kai ly jei nai paleung kaso theu na bo. Kai ly dym tengsa kadeaung nai ne. Na i py huni neng ly kai ai athengra hai nai ny y baly, ati sai py so y nai ne.

ISAIA 43:2

Nangchi ly tui thiu mang y tapai nai khala y, kai ly nangchi hawi vanrei awm ai. Ngari kamtangchi ly nangchi ai khiu ai ny y. Nangchi ly mai theung y aleaung nai khala y, mai my kang ai ny y. Khri pa-rei cham nairachi ly nangchi ai no patang nairachi tym hai ai ny y.

MATTHAI 8:26

Naibaly mymy ly nichi teng y, “Ym naira di naichi awi, ati mana nai jei u nai kaau mo?” napi. Huni bo y mymy ly angthau i ali hawi ang ai jo: naibaly aham i rym chauchau bo.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

LUKA 12:39

Na i py hini ly pany u, yhmkeung my kangviu khumi tym ai nai neng pany i khyly mymy ly o rym ai i, mymy i yhm ateng pi vau ai nai khai su y leang bo.

HEBRAI 13:6

Hunaibaly achi ly vam parai pa-rei my, “Areng ly ang sabawm nai keung ne, Kai ly kajei y ai; Khumi my ati ang sa pajau ai mo?” napi reng nai ne.