SAM 91:14 - Khumi Common Language Bible

¹⁴ Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

SAM 91:14 ပူးပေါင်းရင်းမြစ်များ

1 NENG SATANG 29:3

Kai ly hini katalamra vawnsai bawibawichi bo y, kaimy i muku hawi tangka py katalam nai ne. Ati mana nai mo na baly kai ly Tameuh i Achura yhm ai khri pa-rei khrei nai deaungkho y ne.

EZARA 8:31

Angchei lo kani holai nyhrei kani y kaichi ly Ahava tuilam dengdairei Jerusalem mary mang y tako u bo. Tameuh ly kaichi hawi vanrei awm nai deaungkho y, kaichi ai paleung ka-echi teng i nai py, ka-deng mang amo yb iy ang tiu ai naira i nai py ama hai nai ne.

SAM 59:1

Kai i Tameuh, kai ai paleung ka-echi kiu i nai atleu kyh ba; kai ai ang tiu nai khumichi teng i nai amo hai ly kry kyh ba!

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

SAM 9:11

Zion mary ai peang nai keung Areng ai ly palo nai khulym thui u! Mymy i sa nai leaungsaichi ai khumi cheng cheaungkhangchi teng y thui pi u!

SAM 91:9

Areng ly nang ai ama hai nai keung ne, nanai py, tahm asang keh nai keung ly nang i abyhra ne, nanai py nang pany ai i,

ISAIA 33:16

Huna i naini nangchi ly ka-dawn eaung iy, khaw parai nai lengseaung yhm y awm nai kamta chymme ai. Cha nei ai nai teicha teineichi py nga u ai.

JEREMIA 39:17

Na i py nang ai kai, Areng my kang kry ai nai deaungkho y, nang ly nangmy jei hyn nai khumichi i kiu y tym ai ny y.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 16:27

Nangchi ly kai ai tamen i, kai ly Ampo teng i nai theu iy khaileaung pri y kang jeu, nanai py ym u nai deaungkho y, Ampo kypkyp my nangchi ai ang tamen.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

KALATIA 4:9

Na i py vai ly nangchi ly Tameuh ai pany u nai bo y ly--ny y leang, Tameuh my nangchi ai pany nai bo y ly--nangchi ly ham y nai hawi awm atyhtyh nai pakeungchi i miseaung y awm u bi ai nai ngai u nai ly, hunichi mang y ly nangchi ly ati mana nai ali u teang nai mo?

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?