SAM 90:3 - Khumi Common Language Bible

³ Nang ly leu pei iy khumichi ai spryh lawm hai ali teang bo.

SAM 90:3 ပူးပေါင်းရင်းမြစ်များ

ATITI AWM ANGCHEI NAI 3:19

Nang ai sa nai khaileaung y ali teang y ryrei ly ka-ui leaung pa-rau na pa-rei akawm parai naimy kalop sa iy cha ai nai tla ai. Nang ai khaileaung hawi sa nai ne i, khaileaung lawm ali teang ai,” napi.

JOBA 12:10

Heng nai amjy cheaungkhangchi i, hengra lam patei nai keung ly Tameuh ne. Khumi luteng i hengra ly mymy i kiu tleaung y awm.

SAM 104:29

Nang ly nichi teng i nai meimai hi pi veng nai khala y, nichi ly jei hyn u bo; nang ly nichi i hengra la pi veng nai khala y nichi ly dei i, spryh lawm u ali teang nai ne.

SAM 146:4

Nichi ly dei nai khala y khaileaung y vawi u ai i, huni kani y my nichi i katau ly tama nai ne.

Parip nai leu 12:7

Hunaibaly achi i tlang ly khaileaung spryh mang y tym ali teang ai i, achi i hengra py, achi ai ang pei nai keung Tameuh teng y tym ali teang ai.

Kati Nai 14:35

Kai ai ka-awi sa nai nangchi khumi aso y naichi ai kaimy pajeng takengkei ai. Nangchi bawibawi ly hini daichi ka-vym y dei u bebe ai, nanai kai Areng my leu pei bo,” napi.