SAM 90:17 - Khumi Common Language Bible

¹⁷ Kaichi i Tameuh ne nai Areng, nang i amtheaung naira ly kaichi teng y tym hai sy; kaichi i sa nai tleireira py, eaung naira pei kyh ba!

SAM 90:17 ပူးပေါင်းရင်းမြစ်များ

JOBA 22:28

Nang ly dawn tau nai kamta eaung ai. Nang i heng nai deung ly kangvang angvang phang na ai.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 118:25

Aw Areng, kaichi ai atleu kyh ba, kaichi ai atleu kyh ba! Aw Areng, kaichi ai eaung ai nai pei kyh ba!

SAM 27:4

Areng teng y hnei ai ngai nai, kai i kadeaung nai langseaung harei awm; huni langseaung ly Areng i yhm y deungtasarei awm ai nai, kawn nai leu thui naimy palo ai nai hawi, mymy i patei pi nai lam nga ai nai py ngai nai ne.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 68:28

Aw Tameuh, samrangchi my nang teng y langseaungchi talam naira y,

SAM 80:3

Aw Tameuh, kaichi ai vawi ali teang hai kyh ba! Kaichi teng y pahen naira pei kyh ba; naibaly kaichi ly atleu naira nga u ai!

SAM 80:7

Ati cheaungkhang sa thai nai keung Tameuh! Kaichi ai vawi hai ali teang kyh ly nang i pahen naira kaichi teng y patei kyh ba; hunaibaly kaichi ly atleu naira nga ai!

LEU KACHENG 16:3

Nang i dawn tau naichi amtheaung hai ai nai, Areng teng y hnei. Naibaly nang i dawn tau naichi ly eaung ai mang.

ISAIA 26:12

Aw Areng, nang ly kaichi ai nang chawn ai nai pei ai. Kaichi i eaung nai ngiereichi ly nang i sa pi naichira i hawi naira ne.

I KORINTH 3:7

Hunaibaly ui nai keung py ati sai py ny y leang, tui lei hai nai keung py ati sai py ny y leang, na i py veang hai nai keung Tameuh my leaungrei khyh.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

I JOHAN 3:2

Ngai parai naichi awi, achi ly vai ly Tameuh i chanauchi ne i, achi ly mana awm ai mo, nanai ly amteng y leang rai. Mymy ly amteng baly achi ly mymy kamta awm ai, nanai ly achi pany; ati mana nai mo nabaly mymy ly awm nai kamta khypkhyp naimy achi ly niu ai.