SAM 90:13 - Khumi Common Language Bible

¹³ Nang i kado theu nai ly mana tanrei kra na pa-rei, rym y naimy awm ai mo? Aw Areng, nang i miseaungchi ai pahen kyh ba!

SAM 90:13 ပူးပေါင်းရင်းမြစ်များ

SAM 106:45

Mymy ly nichi hawi ai nai molam y Leu Maikawm pany pi bo; ati mana nai mo nabaly mymy i tamen naira len parai nai deaungkho y, kado theu nai ly rym nai ne.

SAM 135:14

Areng ly mymy i khumichi ai ama hai ai; mymy i miseaungchi ai pahen ai.

SAM 6:5

Tavau kho y ly nang ai pany jo nai khumi by y leang; huni meingtym y ly ami py nang ai palo pajau y leang.

SAM 74:10

Aw Tameuh, paleung ka-echi ly nang ai mana tanrei panui hai ai mo? Nichi ly nang i amyn ai avawrei thui tamawn u ai bo a?

SAM 80:14

Ati cheaungkhang sa thai nai keung Tameuh! kaichi teng y jeu ali teang kyh ba; kani mang dengdairei khen kathiu iy jeu ly nangmy i khumichi ai atleu kyh ba!

SAM 80:15

Jeu ly nangmy kypkyp ui iy, keung cheang pa-rei bawn nai kreip keung ai atleu kyh ba!

SAM 89:46

Aw Areng, nang ly meimai aheu pi veng jojo ai bo a? nang i kado theu nai ly mai kamta, mana tanrei angveaung naimy awm ai mo?

THEU NAI 32:12

Aikupta chengchi my, nang ly Israela chengchi ai mawichira pahawi iy tamyh be ai nai, Aikupta pri i dengdairei pahawi nai teu, nanai thui y ai a? Kado theu hai me mo ly paleung amnym kyh jemjem ba; nang i khumichi tlang tleaung y pajeng naira tym hai mo kyh.

THEU NAI 32:14

Naibaly Areng ly kado katheu rym i, mymy i khumichi ai pajeng y naimy lawi hai bo.

ISAIA 63:17

Kaichi ai ati mana nai y nangmy i reita lam i nai amphri hai vui lawh mo? Ati mana nai y kaichi ai paleung tang hai iy, nang teng i nai hihai vui lawh mo? Nang ai chiu naichi ai dawn pi nai deaungkho y py, nangmy peang jojo nai nangmy i khumichi ai dawn pi nai deaungkho y py, jeu ali teang ba.

JEREMIA 12:15

Na i py kai ly nichi ai huna nai atleu chum baly, kapahen ai. Huni khumi cheng bawibawichi ai, mychi i khu ka-peang mang y hawi, mychi i pri y kapahawi teang ai.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

AMOS 7:3

Areng ly paleung amtlau i, “Nang i niu naichi tym y leang mang,” napi.

AMOS 7:6

Areng ly paleung amtlau i, “Hina nai py tym hai y leang,” ang napi.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

ZEKHARIAH 1:16

Jerusalem mary ai pahen nai sai patei ai nai, kavawi ali teang nai ne. Kai i Achura yhm sa palum teang iy, Jerusalem mary pui ai py, sa palum u teang ai nai tla ai,” napi.

Kati Nai 10:36

Leu Maikawm Pawm ai anawn hai nai khala, “Aw Areng, sang meaungkateaungrei chang y nai Israela chengchi teng y jeu ali teang kyh ba,” nanai py thui jojo nai ne.

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.