SAM 9:6 - Khumi Common Language Bible

⁶ Kaichi i paleung ka-echi ly sum jojo nai ne. Nang ly nichi i mary puichi ai taphra nai deaungkho y hunichi ai tami iy, tama hai pawn veng bo.

SAM 9:6 ပူးပေါင်းရင်းမြစ်များ

2 ARENG KEH 19:25

“Jangni i dengdairei huni bawibawichi ai kaimy pasym yb nai ne, nanai nang, thai vai y nai sai a? Vai py huni atitichi ai kaimy lawm hai bo. Amtangra marychi ai anyn angso pakheng achu naira lawm hai pajau nai sa thai naira, nang teng y kang pei bo.

JOBA 18:17

Ni i satangchi ly amy i pri hawi pri takhra y tama vui iy, ni ai ami py ma u ai ny y leang bo.

SAM 34:16

Na i py hawi y sa nai khumichi ly dei nai khala, kra y naimy nichi ai tami pawn ai nai, mymy ly nichi ai ka-awi sa nai ne.

SAM 34:17

Khumi kahawichi ly mymy ai palau u nai khala y, mymy ly pathang pi iy, ngari kamtangchira i nai atleu pi bo.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

SAM 7:5

paleung ka-echi ly kai ai hui nai kai iy, kai ai tleh pajau lawh baly kai ai khaileaung y khai u su sy.

SAM 8:2

Huni khulym ai ly deaungdichi hawi deaungdi chymplei naichi my thui u. Mymy ly paleung ka-echi kiu i nai lawira nga bo. Mymy ai ka-jo hau naichi ai paka nai ne.

THEU NAI 14:13

Huna nai khala Mosi my, “Jeih u moh, Vam parai nai awm u; vaini Areng my atleu nai nangchi niu u ai; Aikupta chengchi ai vaini nangchi niu nai ly vai mo mang y nangchi niu u ali bi ai ny y leang bo mang.

THEU NAI 15:16

Huni khumi bawibawichi ly jei hyn u nai ne. Aw Areng, nichi ly nang i sa thai naira niu i, miseaung i nai nangmy alaw hai nai nang i khumichi tako prei nai thym khala, nichi ly jei hyn i khuma phau u na bo.

ISAIA 14:17

Marychi phra hai iy khaileaung y tui by y nai daichi ka-vym lawm hai nai keung ly hini khumi a? Theaung tla naichi ai paeung jojo iy, nichi i yhm hlau y vawi ai nai pei y nai khumi ly hini khumi a?,” nanai deng u ai.

ISAIA 26:14

Huni khumichi ly vai i neng y, dei u pawn veng bo; heng u ali bi ai ny y. Nang ly nichi ai pajeng iy tamyh pawn veng nai deaungkho y, nichi i phailochi py, tapreaung i nai ang thau u ai ny y. Nichi ai ami my py pany u y leang bo.

ISAIA 37:26

“Jangni khala my, hini atitichi ai kaimy pasym yb nai ne, nanai nang ly mana khala py thai vai y nai sai a? Vai, huni atitichi ai kaimy tym hai bo. Amtangra marychi ai anyn angso pakheng achu nai meingtym palawn vui ai nai, nang ai sa thai naira kang pei bo.

JEREMIA 51:25

Aw Babulon mary, nang ly khaileaung pri verei y taphra reng nai mawi hawi atawm; na i py kai Areng ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

MIKHA 7:8

Kaichi i paleung ka-echi ly kaichi i kamngo nai molam y amo theu ai nai lam by y. Kaichi atlym i py, ang thau teang ai. Vai i neng y kaichi ly kaveng theung y awm i py, Areng ly kaichi i tlang tleaung y kangvang sangso tym hai ai.

I KORINTH 15:26

Kangkhym kangtem i tama hai ai nai paleung ka-e ai ly dei naira ne he.

AMTENG HAI NAI 20:2

naibaly mymy ly huni naka, jangni jangkhawn kha i awm nai pavui, Diabola hawi Setan napi nai ai patiu i, saneng sangrei i vui y kawm bo:

1 SAMUELA 30:1

Kani nyhrei nai khala y Davida hawi my i khumichi ly Zikala mary y tym u ali teang bo. Amalek chengchi ly Juda pri tokalawi mang y kun iy, Zikala mary ai tiu i mai leng vui;

1 SAMUELA 31:7

Jezarela leaunghawi vai, Jordan tavo nisi mang y awm nai Israela chengchi ly Israela tavaimichi preang pawn bo, nanai thau u nai khala y, mymychi i marychi khai su iy preang u bo. Huna nai khala y Philistia chengchi ly jeu u iy, huni marychira y awm u nai ne.