SAM 9:15 - Khumi Common Language Bible

¹⁵ Myn y chiu nai khumichi ly mychi i tai nai angawm theung y tla u. Mymychi i pateung nai deaungra y my, man u ali teang bo.

SAM 9:15 ပူးပေါင်းရင်းမြစ်များ

SAM 107:22

Nichi ly kapathypra hawi mymy ai kawn naimy palo u ai; amo theu naimy khulym thui u iy, mymy i sa nai saichi amteng hai ai.

SAM 13:6

Aw Areng, nang ly kai ai hawi hai nai deaungkho y, kai ly nang teng y palo nai khulym thui ai.

SAM 20:6

Areng ly mymy i khai takhra pi nai samrang ai tavai eaung naira pei, nanai vai ly kai pany bo. Mymy ly nang i hnei takeng nai ai kani pri meingtym kachai mang dengdairei thai i, sa thai naira hawimy nang ai eaung nai pawi puichi ang pei bo.

SAM 35:8

Na i py nichi ly athang khai y naimy tama u pawn ai. Mychi pateung yb nai deaungra y man u ali teang ai i, mychi tai nai angawm theung y tla iy phra u ai!

SAM 35:9

Huna nai khala kai ly Areng ai ka-ym iy amo theu ai. Mymy ly kai ai atleu nai deaungkho y, kai ly amo theu ai.

SAM 37:15

Na i py nichi ly mychi i haisauchi hawi naimy tleh nai avum ai. Nichi i thailiho py tleu pawn ai.

SAM 57:6

Paleung ka-echi ly kai ai patiu ai nai py jang u bo; kai ly khrikhri pa-rei paleung mawn naira avum nai ne. Nichi ly kai i tako nai lam y angawm tau u bo; na i py huni angawm theung y mychi naimy tla u nai ne.

SAM 94:23

Mymy ly nichi i khumi aso y naichi molam y pajeng ai; mychi i kamngo nai molam y, nichi ai taphra ai; achi i Areng Tameuh ly nichi ai taphra iy, tamyh pawn ai.

LEU KACHENG 22:8

Adyh adawi y nai ti hei nai khumi ly patang nai amti amjangchi pakym achu ai. Huna nai khala ni ly ami i tlang tleaung y ana nai sai anawn ai.

LEU KACHENG 5:22

Khumi hawi y nai i sa nai kamngochi ly deaung hawi atawm; huni khumi ly my i kamngo paleupy ra y man reng nai ne.