SAM 9:13 - Khumi Common Language Bible

¹³ Aw Areng, kai ai pahen kyh ba! Paleung ka-echi molam y kai ly mana tanrei ngari kamtang avum na mo, nanai pany pi kyh ba! Aw Areng, kai ai deira i nai atleu kyh ba.

SAM 9:13 ပူးပေါင်းရင်းမြစ်များ

ATITI AWM ANGCHEI NAI 4:10

Naibaly Areng my, “Nang ly ati mana nai y, hini ka-jei awm parai nai sa lawh mo? Ngamnau i thi my khaileaung mang dengdairei vawitheung tha teang ai nai palau nai raawi kamta ang kaau na a!

ATITI AWM ANGCHEI NAI 4:9

Areng my Ka-ina teng y, “Ngamnau Abela ly ma y mo?” napi. Ka-ina my, “Kai pany y. Kai ly amnau ai typ nai keung ne lawh sai a?” nanai pathang.

1 ARENG KEH 21:19

Kai Areng my, ‘nang ly khumi ai padei nai bo y, ni i vawn la pi vui ai a?,’ nanai ni teng y thui pi; ‘Naboth i thi uichi my palei nai meingtym y, nang i thi py palei u ai,’ nanai thui nai leu py ni teng y amti pi!” napi.

2 ARENG KEH 9:26

‘jangdyh Naboth hawi chapochi ai padei nai kaniu; hunai deaungkho y kai ly nang ai hini meingtym y kang pajeng ai,’ nanai leu pei nai ly pany jo i, Areng my leu pei nai kamta, Joram i veu ai Naboth i khaileaung y api su,” napi nai ne.

2 NENG SATANG 24:22

Samrang ly Zekhariah i ampo Jehojada i mymy teng y ka-ym awm parai naimy kalop sa nai tami vui i, chapo ai padei bo. Zekhariah ly dei enten nai khala, “Areng ly nang i sa nai kalop niu iy nang ai kamngo pajeng na sy!,” nanai thui nai ne.

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

SAM 10:12

Aw Areng, ang thau ba; aw Tameuh, huni khumi aso y naichi ai pajeng kyh ba. Ngari kamtang avum naichi ai tami moh kyh ba!

SAM 107:18

Nichi ly teicha teinei malawn py, niu ai ngai nai paleung by y na bo i, deira pa-kho sahawi y tym u bo.

SAM 119:132

Nang ai tamen nai khumichi ai pahen nai kamta, kai ai khen iy pahen teang kyh ba.

SAM 119:153

Kai i patang nai saichi khen pi cham ly atleu kyh ba; ati mana nai mo nabaly kai ly nang i reita leu dawn y naimy awm ai ny y.

SAM 12:6

Areng i adeu nai leuchi ly ym ai nai hawi; mai theung y tlen saryhrei patlawn chum nai tangka tangcheng kamta, ka-ym awm nai ne.

SAM 13:3

Aw kai i Areng Tameuh, kaimy kang palau nai khala, khen iy pathang pi ba. Kai ai atho angym hai aliteang kyh ba; kai ai dei hai moh kyh ba.

SAM 142:6

Sabawm naira nga ai nai kai i aeu nai raawi tangai pi kyh ba; kai ly khri pa-rei paleung phra atho di na bo. Kai tleaung y khri pa-rei atho awm nai paleung ka-echi kiu i nai kai ai atleu kyh ba.

SAM 25:19

Kai teng y mana tanrei paleung ka-echi nawi na mo, nanai khen pi kyh ba. Nichi ly kai ai mana tanrei niu ngai y na mo, nanai pany pi kyh ba.

SAM 30:3

Kai ai deira tavau kho i dengdairei palau ali teang bo. Kai ly tapreaung angawm theung y satla nai ne i py, nang ly kai ai dei hai y naimy, heng ai nai pei bo.

SAM 38:19

Kai i paleung ka-echi ly noso keaungno by y; atyhtyh naimy kai ai niu ngai y nai khumichi ly nawi parai.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 56:13

Ati mana nai mo nabaly nang ly kai ai deira i nai atleu iy, sum hai y nai deaungkho y ne. Hunai deaungkho y kai ly heng nai khumichi i kangvang theung y Tameuh i mo y tako ai.

SAM 86:13

Kai i tlang tleaung y nang i khaw parai nai tamen naira ly khri pa-rei len parai na ly! Nang ly kai ai tavau kho i nai atleu bo.

ISAIA 38:10

Kai ly saneng kachi awm ai ny y, hawi khyp khala my tavau pri y ang vum ai bo, nanai kadawn nai ne.

TANGAM NAI LEU 1:11

Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

JOHAN 2:6

Naibaly Judachi i paju nai reita kamta lengseaung chy y tariurei, sie vui palyhrei meingtym nyhrei mo thomrei mo avai nai cheichei hu y panui bo.