SAM 89:50 - Khumi Common Language Bible

⁵⁰ Nang i miseaung kai ly mana tanrei khumi aniu y naira avum na mo, nanai py, Tameuh by y nai khumichi my kai ai pasawi naichi ai mana tanrei kakham pi mo, nanai py, tami pi vui moh kyh ba.

SAM 89:50 ပူးပေါင်းရင်းမြစ်များ

SAM 69:9

Nang i Achura yhm ai dawn ryh patyh nai ly kai i paleung theung y mai kamta angveaung na bo; nang ai mei aniu nai katheu naichi ly kai ai mei aniu y nai leu katheu naichi ne.

SAM 74:18

Na i py aw Areng, nang i paleung ka-echi ly nang ai panui hai nai py, nichi ly Tameuh pany y iy nang ai mei aniu y nai sa nai py pany pi bo.

SAM 74:22

Aw Tameuh, ang thau ly nang i sa thai naira tym hai ba; Tameuh ai pany y nai khumichi my, nang ai kani khengrei panui hai nai ly pany jo ba.

SAM 89:4

“Nang i kangpreang ly samrang lawm jojo ai; nang i samrang kangpreang ly amtawn jojo ai,’ nanai kaimy leu adeu bo,” napi.

ROM AVANGCHI TENG Y PAWLA I CHA PA NAI 15:3

Krista py amy i kawn ai naira hau y leang: “Nangmy ai jo nai keungchi ai jo nai ly Kaimy i tlang tleaung y tla bo,” nanai tajiu nai kamta ne lawh veng.