SAM 89:5 - Khumi Common Language Bible

⁵ Kani pri ichi ly nang i rengrang sa nai satangchi ai khulym thui u bo; aw Areng, khumi kachaichi ly nang i ka-ym awm nai satang khulym thui u nai ne.

SAM 89:5 ပူးပေါင်းရင်းမြစ်များ

1 NENG SATANG 17:11

Nang ly dei iy amsi pajochi i tapreaung sahawi y up nai khala, kai ly nang i chapo leaungrei ai samrang palyn iy, ni i pri khaw hai ai.

1 NENG SATANG 17:12

Ni ly kai i vui Achura yhm sa pi ai. Kai py ni i samrang kangpreang khaw hai jojo ai.

JOBA 5:1

Joba awi, nangmy palau baly, pathang nai khumi awm na a? Nang i paleung pado pajau nai, kani pri amtaw thau awm a?

SAM 132:11

Nangmy, “Kai ly nang i chapo leaung leaungrei ai samrangra y kapalyn ai; ni ly nang i meingtym amtym ai; nang i chapochi ly kai i Leu Maikawm ai kry iy, kai i leu pei naichi tangai u lawh baly, ni i chapochi py nang i meingtym amtym ai.

SAM 19:1

Kani khusang ly Tameuh i nang parai nai sai amteng hai! Kani khusang ly mymy i kupe lasachi amny hai!

SAM 50:6

Tameuh mymy kypkyp ly tara chih keung ne i, ka-dyh ka-dawi naimy chih pi ai, nanai kani khusang my amthang hai bo.

SAM 61:8

Hunai deaungkho y kai ly kaimy i adeu nai leu ai kani tleirei atyp iy, nang ai kang palo nai khulym thui jojo ai.

SAM 89:30

“Na i py ni i katu chanauchi ly kai i reita leu ai khai su iy, kai i reita leaungsai ai patawm y lawh baly,

SAM 89:37

Ni i pri ly kani mang y khaw jo nai lo kamta, khaw naimy awm jojo ai,” napi.

SAM 89:7

Nang ly khumi kachaichi i council ra y, tahm pasang ai nai ataing nai ne’ nichi ly nang ai khri pa-rei jei naimy tahm khai u bo.

SAM 97:6

Mymy i neaung hawi nai saichi ai kani khusang ly amthang hai i, khumi bawibawichi ly mymy i nang parai nai sai niu u nai ne.

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

DANIELA 7:10

Huni areng atehra mang dengdairei, tavo leaung nai kamta kangvang sangso theu. Huni meingtym y ly mymy i kalop sa nai khumi sang neangneangchi awm. Mymy i mo y angdo naimy kalop sa nai py, meaung neangneangchi awm nai ne. Tara chih nai neng amteaung ai bo i, cha-iuchi kadai u bo.

EPHESI 3:10

Hunaibaly mymy ly achi i Areng Krista Isu y sa ai tau nai ly, mymy i deungtasarei ka-vo khai yb nai kamta, vai ly vai dymkhawn i kani pri meingtym y awm nai areng nairachi hawi aly peang naichi teng y ly,

Leu Thui Nai 33:2

Areng ly Sinai mawi salo mang dengdairei ang jeu; mymy ly kanito kamta Edom pri salo y amteng iy, Paran mawi salo mang dengdairei mymy i khumichi teng y kangvang ko bo. Mymy i lamtang mang y mai kangveaung hawi sang neangneang chang y nai kani pri amtaw thau naichi abang u bo.

II THESALONIKA 1:7

mymy ly mymy i kani pri i amtaw thau nai ham parai naichi hawi mai kangveaung theung y kani pri mang i dengdairei amteng nai khala y ly,

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.