SAM 89:30 - Khumi Common Language Bible

³⁰ “Na i py ni i katu chanauchi ly kai i reita leu ai khai su iy, kai i reita leaungsai ai patawm y lawh baly,

SAM 89:30 ပူးပေါင်းရင်းမြစ်များ

2 SAMUELA 7:14

Kai ly ni i ampo lawm iy, ni ly kai i chapo lawm ai. Ni ly sa tamang nai khala y, ampo my chapo ai parip nai kamta, ni ai kaparip ai.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 119:53

Khumi aso y naichi my nang i reita ai khai su nai niu nai khala y, kai ly kado theu nai ne.

SAM 132:12

Samrang lawm iy peang jojo ai nai nga u ai,” nanai nang i miseaung Davida teng y vaineng abeu bo; nang ly huni adeu nai leu ai ajiu ali teang ai ny y.

SAM 89:5

Kani pri ichi ly nang i rengrang sa nai satangchi ai khulym thui u bo; aw Areng, khumi kachaichi ly nang i ka-ym awm nai satang khulym thui u nai ne.

LEU KACHENG 28:4

Tara leu reita ai tahm khai y nai khumi ly khumi hawi y naichi mang y asa hai naichi ne. Na i py tara leu reita ai tahm khai nai khumi ly huni khumi ai tiu nai khumi ne.

LEU KACHENG 4:2

Kai i patiu pi naichi ly hawi nai deaungkho y, hunichi ai tami u moh.

JEREMIA 33:17

Areng my Israela pri y mana khala py samrang Davida i kangpreang avaw hai by y ai nai py,

Ezekiela 18:17

Ni ly hawi y naichi amkyn iy kamran nga ai nai tangka py paseng y. Kai i Reitachi sa patawm iy kai i leu pei naichi py tangai. Ni ly ampo i kamngo molam y dei ai ny y, ni ly heng takengkei ai.

Ezekiela 18:9

Ni ly leu pei naichi tangai iy kai i Reita leu pei naichi py hawihai palai sa patawm. Huni khumi ly khumi kahawi ne nai deaungkho y heng ai, nanai sa thai naira angym nai Areng my leu pei nai ne.

Ezekiela 20:19

Kai ly nangchi i Areng Tameuh ne. Kai i Reitachi patawm iy kai i leu pei naichi tangai u.

LUKA 1:6

Nini leaung nyhrei ly cheh ai nai by y pa-rei my Areng i leu pei nai hawi reita bawibawi patawm iy, Tameuh i mei ka-niu y awm nai sai hawi parai nai ne.

Leu Thui Nai 11:21

Huna nai sa u baly nangchi hawi nangchi i cho chanauchi ly Areng Tameuh my amsi pajochi teng y pei nai pri y heng sau u ai. Khaileaung salo y kani khusang awm nai ryrei nangchi ly huni pri y awm u ai.