SAM 89:15 - Khumi Common Language Bible

¹⁵ Khulym thui naimy nang ai chiu nai khumichi hawi, nang i pahen nai kangvang y awm nai khumichi ly khri pa-rei taham hawi na a!

SAM 89:15 ပူးပေါင်းရင်းမြစ်များ

JOBA 29:3

Huni neng khala Tameuh ly kai hawi vanrei awm nai ne. Kaveng theung y tako nai thym khala py, kai ai kangvang ang pei.

SAM 100:1

Aw khaileaung pri i khumi bawibawichi awi, khulym thui naimy Areng i nang parai nai ai palo u!

SAM 4:6

“Aw Areng, amtheaung naira pei panawi bi kyh ba. Kaichi i tlang tleaung y pahen nai paleung hawi khen ba,” nanai khumi neangneangchi my chiu sa u bo.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

SAM 90:6

Khawn mang ly veangryh naimy pau amthym i, dym mang y ly jei iy tama veng nai ne.

SAM 97:2

Khupanymchi hawi kavengchi ly mymy ai taki naimy awm bo; mymy i peang nai ly leu meitang hawi adyh adawi naira y sangum pala nai ne.

LEU KACHENG 16:15

Samrang i mo y meimai nga nai ly tlang heng ai. Pahen naira ly kanipui khala kani nai hai nai khupanymchi kamta ne.

ISAIA 2:5

Jakob i katu chanauchi awi, vai, achi ly Areng my pei nai kangvangra y aleaung u sina!

Levi 25:9

Naibaly saryh lo, kani horei kani y ly kamngo pahen nai kani ne i, pri verei y khumi leaungrei ai amki hai ly, baw eng hai.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.

Kati Nai 10:10

Huni bo y amo theu nai pawi, napi nai lo si pawichi hawi takhra reita pawichi sa naira y leng patlum nai kapathypra hawi, leunghawi kapathypra talam nai khala y, nangchi ly bawchi eng u ai nai tla. Naibaly kai ly nangchi ai sabawm ai. Kai ly nangchi i Areng Tameuh ne,” napi.

Kati Nai 23:21

Israela chengchi ly vai mo mang y py patang naira, taham si nairachi avum ai nai kai niu y. Nichi i Areng Tameuh ly nichi hawi vanrei awm; Areng ly nichi i samrang ne, nanai amthang hai bo.

Kati Nai 6:26

Areng ly nangchi ai khen angdeang iy awmnem naira pei sy.

AMTAW 2:28

Nang ly kai ai heng nai lam patei bo, Nang i meimai my kai ai kawn nai kawi hai ai,’ napi.

ROM AVANGCHI TENG Y PAWLA I CHA PA NAI 10:15

Naibaly pato nai ny y baly leu ly mana thui u ai mo? “Atiti Satang Kahawi kawn ai awm nai tym hai nai keungchi i kheu ly khri pa-rei apu na ly, nanai tajiu nai kamta.

ROM AVANGCHI TENG Y PAWLA I CHA PA NAI 10:18

Na i py kai ly napi, Nichi ly thai u y nai sai a? Thai u chy y; “Nichi i katyn ly meingtym tleirei y amthang iy Nichi i leu ly khuteng taki y tym pa-rei amthang bo,” napi nai ne.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.