SAM 88:11 - Khumi Common Language Bible

¹¹ Nang i khaw parai nai tamen nai satang ai tapreaung angawm theu y py, nang i ka-ym awm nai satang ai tama nai meingtymra y thui nai awm a?

SAM 88:11 ပူးပေါင်းရင်းမြစ်များ

JOBA 21:30

Tameuh my kado theu i kamngo pajeng nai kani y, khumi hawi y nai ly awmnem naira nga jojo nai ne.

JOBA 26:6

Tavau pri ly Tameuh i mo y tleangkhym by y; daihaulau naimy awm.

SAM 55:23

Na i py aw Tameuh, nang ly khumi ai padei nai keungchi hawi, tapawp nai keungchi ai, nichi i deung ka-hyhrei tym y rai khala my tapreaung angawm theung y ang vum hai ai; kai naini ly nang ai kang-ym ai.

SAM 6:6

Kai ly paleung si paleung mawn nai molam y paha naimy awm bo. Dym tleirei kavo nai deaungkho y, ira ly sui be na bo. Kai i lutleang ly meikatui suipla naimy awm bo.

SAM 73:18

Nang ly nichi ai athei reng nai meingtym y athei hai iy myh kang hai ai.

LEU KACHENG 15:11

Tavau pri y tym nai leaungsaichi malawn py, Areng i mo y tamym pajau y baly, khumichi ly mychi i paleung ka-dawnchi ai, Tameuh teng i dengdairei mana heu vui thai ai mo?

ISAIA 26:19

Kaichi khumichi theung i dei chum naichi ly heng u ali teang ai! Nichi i ngan tlangchi ly heng teang ai. Tapreaung angawm y aseaung nai khumi kadeichi ly amo theu naimy khulym thui u ai. Reaung amchang nai kadamchi ly khaileaung y apu hai ali teang nai kamta, neng kra parai nai khala i dei chum nai khumichi ai, Areng ly heng hai ali teang ai.

Ezekiela 37:3

Mymy ly “Nang khumicho awi, hini hiuchi ly heng ali teang thai na a?,” nanai kai teng y deng. Kaimy, “Sa thai naira angym nai Areng, hini leu ly nangmy naini pathang pajau ai khyh!,” nanai kapathang.

MATTHAI 7:13

“Katheu pa-kho kamchei mang y kun u; tama ai naira y tym ai nai lam ly kau i, katheu pa-kho py len parai; huni mang y kun naichi ly nawi parai veng.

ROM AVANGCHI TENG Y PAWLA I CHA PA NAI 9:22

Naibaly Tameuh ly pahen naira laawm, nang parai naira nga ai nai sa rym naichi i tlang tleaung y ly mymy i nang parai naira nawi nai sai patei thai ai nai,

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.