Ni ly Ezarahi cheng Ethan tleaung y py, Mahola i chapochi napi nai Heman, Kalkola hawi Daradachi tleaung y py cheng keh. Ni ly khumi bawibawichi theung y cheng keh nai ne. Ni i cheng nai satang ly pri deaungpa tleirei y amthang bo.
Aw Areng, kaichi ai khen ly nang i miseaung Israela chengchi i vui, vum kanithun kai i chiu sa hnei takeng nai tangai pi kyh ba. Israela chengchi ne nai kaichi ly kamngo sa tamang nai khumichi ne, nanai kai my ahui bo. Kaichi i amsi pajochi hawi kai ly kamngo sa bo.
Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.
Kai teng i nai meimai hi vui moh kyh ba!,” Kado theu moh kyh ba. Nang i miseaung kai ai sabawm nai keung ne. Kai ai atleu keung aw Tameuh, kai ai khai su moh kyh ba. Kai ai aphi su moh kyh ba.
Khumi ka-khumchi my, “Tameuh by y,” nanai dawn iy athang khai u. Nichi bawibawi ly jawi tamang u iy, amso ngai naichi sa u; kateng sa nai khumi leaungrei py by y.
Kai i atleu naira hawi nang parai naira ly Tameuh teng i nga nai ne; mymy naini sa thai naira len iy, ama hai nai lengseaung pui ne; kai i abyhra ly Tameuh ne.
Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.
Tameuh ly kai i atleu keung ne; kai ly mymy ai jei y naimy ym ai. Areng ly kai ai sa thai naira hawi atho pei nai keung ne. Mymy ly kai i atleu keung ne.
Aw Jerusalem mary, kai ly nang i mary apaichi salo y, tamcheaung risachi khai nai ne. Nichi ly vum kanithun, neng tleirei awm py thai ai ny y. Nichi ly Areng ai mymy i adeu nai leuchi pany jo ai nai sa ai. Mana khala py tami y ai nai pany hai pi ai.
Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?
naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.
Kaichi ly nangchi i meimai niu thai ai nai hawi, nangchi i ym naira mang y avaw nai angym hai thai ai nai py, vum kanithun y khri pa-rei chiu kasa reng.
Kai ly anawn y naimy kai i chiu sa naira y ly ka-dawn hai vau reng nai kha y ly Tameuh teng y kawn nai leu kathui; kai ly amsi sangumchi i sa nai kamta, hawi nai hawi y nai pany naira chai pyn nai awm iy mymy i kalop kasa reng nai ne.