SAM 87:4 - Khumi Common Language Bible

⁴ Mymy i leu pei nai ly “Kai i leu tangai nai prichi amyn la nai khala, Aikupta pri hawi Babulon pri tabawi ai; Philistin pri, Turu pri hawi Ethiopia pri i khumichi py, Jerusalem mary i khumichi amyn la naira y tabawi ai.

SAM 87:4 ပူးပေါင်းရင်းမြစ်များ

JOBA 9:13

Tameuh i kado theu nai ly rym y; mymy ly amy ai tiu nai pangli naka rahabiai sabawm nai paleung ka-echi ai tamyh pawn nai ne.

SAM 137:1

Zion mary ai adawn nai thym khala y, kaichi ly Babulon pri i tavo micheaungchi peang y ateh naimy kavo u bo.

SAM 45:12

Turu pri khumichi ly nang teng y langseaungchi syn pi ai. Nang chawn nai khumichi ly nang teng i meimai nga ai nai atho sa u ai.

SAM 68:31

Aikupta pri i savaichi ly nang teng y ang jeu u ai; Ethiopia pri khumichi ly kiu pheu iy, Tameuh teng y chiu sa hnei takeng u ai.

SAM 89:10

Nang ly tuirengnam Rahabi ai padei iy, tamyh veng bo; nang i sa thai naira hawimy, nangmy i paleung ka-echi ai pasum bo.

ISAIA 19:11

Zoan mary i khumichi ai lu sa nai keungchi ly tau ka-khumchi lawm u lawh ly! Aikupta pri i tau pei nai amyn kamthang khumi kachengchi py, hawi y nai katauchi pei u lawh ly! Nichi ly amychi ai ati mana nai y, jangni i khumi kachengchi hawi samrangchi kangpreang ne, nanai samrang teng y thui ai nai vam u lawh mo?

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.

AMTAW 8:27

Hunaibaly ni ly angthau i tako bo. Naibaly khen cham, Ethiopia pri i khumi leaungrei Ethiopia samrang nu Kandak i anui i tli chum nai khumi, areng tahm asang parai nai, ni i yhmtheaung bawibawi kry nai keung ly Jerusalem y Tameuh ai chiu ai nai chei bo;

AMTENG HAI NAI 17:5

naibaly mymy i lukati y ly, “Awm nai sai aneng parai nai, Babulon avang pui, neampachy kamleaungchi hawi khaileaung pri i atiti amso awm naichi i amhm,” nanai amyn tajiu nai ne.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.

1 SAMUELA 17:8

Koliatha ly angdo iy Israela chengchi teng y, “Nangchi ly hini meingtym y ati aly y jeu u nai mo? tavai atiu u ai nai a? Aw Sawla i miseaungchi awi, kai ly Philistia cheng ne; kai hawi atiu ai nai nangchi theung i khumi leaungrei vawi takhra u.