SAM 86:6 - Khumi Common Language Bible

⁶ Aw Areng, kai i chiu sa nai tangai pi kyh ba; sabawm naira nga ai nai kai i aeu nai raawi thai pi kyh ba.

SAM 86:6 ပူးပေါင်းရင်းမြစ်များ

NEHEMIA 1:11

Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

SAM 130:2

Aw Areng, kai i aeu nai raawi tangai pi kyh ba; sabawmra nga ai nai kai i takeng nai raawi tangai pi kyh ba!

SAM 17:1

Aw Areng, adyh adawi ai nai molam y, kai i takeng nai tangai pi kyh ba. Kasabawmra nga ai nai kai i aeu nai raawi dawn pi patyp kyh ba! Kai ly neaung hawi parai naimy hnei takeng nai ne i, kai i chiu sa nai tangai pi kyh ba.

SAM 55:1

Aw Tameuh, kai i chiu sa nai tangai pi kyh ba; kai i hnei takeng nai khala y, meimai hi vui moh kyh ba!