SAM 86:5 - Khumi Common Language Bible

⁵ Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

SAM 86:5 ပူးပေါင်းရင်းမြစ်များ

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

SAM 103:3

Mymy ly kai i kamngo bawibawichi palawi pi iy, kai i no-na bawibawichi py, hawi ang sa pi nai ne.

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

SAM 119:68

Nang ly khri pa-rei hawi iy pahen na ly! kai ai reita leaungsai patiu pi kyh ba.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 130:7

Aw Israela, Areng i tamen naira ly khaw parai nai ne i, mymy ly atleu ai nai neng tleirei awm yb nai deaungkho y, mymy ai ym u.

SAM 145:18

Nang ly nangmy ai paleung hawi verei palau nai hawi, chiu sa nai khumi bawibawichi sahawi y awm.

SAM 25:8

Areng ly neaung hawi nai deaungkho y, kamngo sa tamang nai khumichi ai, tako ai avo nai lam patei pi bo.

SAM 36:7

Aw Tameuh, nang i khaw parai nai tamen naira ly khri pa-rei khrei ai nai hawi! Kaichi ly nang i pakhi ka-khui anui y chymme naimy kaawm u bo.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 52:1

Sathai naira haiho awm nai khumi awi, ati mana nai amy i hawi y nai amlyh lawh mo? Tameuh i ka-ym awm nai ly deungtasarei ne.

SAM 69:14

Aneaung kapan theung y anum y ai nai kai ai atleu kyh ba; paleung ka-echi teng i nai py, tui kathiu mang i dengdairei py atleu kyh ba.

SAM 69:16

Aw Areng, nang i khaw parai nai tamen naira ly hawi nai deaungkho y, kai i hnei takeng nai tangai pi kyh ba; nang ly khri pa-rei pahen reng nai deaungkho y, kai mang y amhi iy khen kyh ba!

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

THEU NAI 34:6

Naibaly Areng ly Mosi teng y chei tapai iy, “Kai, Areng ly pahen naira angym nai Tameuh, neaung hawi iy tamen naira nang parai nai Tameuh, ka-ym awm nai Tameuh ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

Ezekiela 36:33

Sa thai naira angym nai Areng my, “Nangchi ai kamngo cheaungkhangra i nai kang pachai nai khala, kai ly nangchi ai nangmychi i marychira y awm teang ai nai pei ai. Phra seaungkhrang naichi ai py, palum ali teang ai nai pei ai.

Ezekiela 36:37

Sa thai naira angym nai Areng my, “Kai ly hini tleaung y malawn py sa ai. Israela chengchi ai kai teng y kasabawmra hnei bi ai nai pei ai. Beram kanghu kamta vuikanai peung hai ai.

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

AMTAW 2:21

Naibaly hina nai ne ai, Ami py Areng i amyn y palau nai ngierei ly heng ai,’ napi.

EPHESI 2:4

na i py Tameuh ly pahen naira neangneang awm i, mymy i tamen nai len parai nai i saho y achi ai ang tamen nai deaungkho y,