SAM 86:3 - Khumi Common Language Bible

³ Nang ly kai i Tameuh ne; hunai deaungkho y kai ai pahen kyh ba; kai ly nang teng y kani khengrei chiu kasa nai ne.

SAM 86:3 ပူးပေါင်းရင်းမြစ်များ

SAM 25:5

Nang ly kai ai atleu nai Tameuh ne nai deaungkho y, nang i leu meitang kamta sa iy teaung thai ai nai kai ai patiu pi kyh ba. Kai ly nang ai ym jojo nai ne.

SAM 4:1

Aw Tameuh, kai ai ama hai nai keung! kai i palau nai khala y pathang pi kyh ba. Kai patang nai thym khala y sabawm ba. Vai py kai ai pahen iy kai i chiu sa nai tangai pi kyh ba.

SAM 41:5

Paleung ka-echi ly kai i satang hawi y nai thui u bo. Nichi my, “Hini khumi ly mana khala dei iy, khumichi my ni i amyn mana khala tami ai mo?,” nanai ka-e paleung katheu u bo.

SAM 55:17

Kai i tangam nai raawichi ly khawn, kanithun, vum, huni nengchi khala mymy teng y tym i, mymy ly ang tangai pi ai.

SAM 56:1

Aw Tameuh, kai ly atiu naira avum nai deaungkho y, kai ai pahen kyh ba; paleung ka-echi ly kai ai kani tleirei ana pumpi nai ne.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 88:10

Nang ly khumi kadeichi i vui y rengrang ka-ma-rachi patei pi a? nichi ly deira i nai ang thau iy, nang ai palo u a?

SAM 88:2

Kai i chiu sa nai ly tangai pi kyh ba; sabawm naira nga ai nai kai i aeu nai raawi tangai pi kyh ba.

SAM 88:9

Kai ly patang nai deaungkho y, mei phrawnja na bo. Aw Areng, kai ly kani tleirei nang ai kang palau iy, kiu pheu naimy nang teng y chiu kasa bo.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

LUKA 2:37

naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.

EPHESI 6:18

huni ly Tameuh i leu ne; chiu sa nai hawi atiti takeng nai cheaungkhangra y mani neng khala y py Phailo y chiu so u; hunira y ly khumi kachai bawibawichi i vui hawihai palai chiu sa pi nai patlaw y naimy atyp u.