SAM 86:11 - Khumi Common Language Bible

¹¹ Aw Areng, nang i kangai sa ai nai kai ai leu pei ba; kai ly ka-ym awm naimy tangai ai; nang i kalop ai takhawi y pa-rei sa thai ai nai, kai ai patiu pi kyh ba.

SAM 86:11 ပူးပေါင်းရင်းမြစ်များ

JOBA 34:32

Nang i tamang naichi pany hai ai nai, Tameuh teng y amti pi bo a? Nang ly sa tamang bi ai ny y leang bo, nanai thui pi chum bo a?

SAM 119:30

Kai ly nang i leu tangai ai nai dawn yb bo; nang i sa pi nai reitachi ai py tangai patyp bo.

SAM 119:33

Aw Areng, kai ai nang i reita theung i, thui pachai nai pany ai nai patiu pi kyh ba; kai ly hunichi avawrei tangai ai.

SAM 119:73

Nang ly kai ai sa iy chymme naimy khai bo; nang i reita leuchi pany thai ai nai, kai ai cheng naira pei kyh ba.

SAM 25:12

Areng ai jei kaji naimy tahm khai nai khumichi ly mychi tako ai nai lam Tameuh teng i dengdairei amtiu u ai.

SAM 26:3

Kai ai nang i khaw parai nai tamen naira my lam patei bo. Nang i ka-ym awm nai my ly kai ai ang pahawi jojo.

SAM 27:11

Aw Areng, nangmy sa hai ai ngai nairachi kai ai patiu ba. Kai i paleung ka-echi ly nawi parai; Hunai deaungkho y kai ai chymme nai lam mang y pahawi ba.

SAM 5:8

Aw Areng, kai i paleung ka-echi ly khri pa-rei nawi parai! Nang i kangai sa ai nai kai ai lam patei pi kyh ba. Nangmy kai ai tako hai ai ngai nai lam ly thleaungthlang hai kyh ba.

HOSEA 10:2

Nichi i paleung ly cheng y nai deaungkho y, vaimy kamngo pajeng naira avum u ai. Tameuh ly nichi i maichamchi taphra iy, nichi chiu u nai leungchengchi taphra ai.

HOSEA 14:8

Israela khumichi ly mynchi hawi atakai u ai. Kai ly nichi i chiu sa nai tangai iy, nichi ai kry ai. Kai ly heng-yh jo nai keung kamta, nichi ai ama hai ai. Kai ly nichi i vui amtheaungra lem phraiphreaung pa-rei leaung naira lawm ai.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

MALAKHI 2:6

Nichi ly leu kateng thui u; teng y naichi thui u y. Nichi ly kai hawi adyh adawi pa-rei awm u iy, mychi kypkyp ly kateng sa u nai bo y; khumi takhrachi ai py hawi y naira so u y ai nai sabawm bo.

AMTAW 2:46

Naibaly kani tleirei paleung vanrei my achura yhm kalen pui y hawihai palai awm u i, nichi i yhm y py tako theng bawi iy, amo theu parai naimy paleung tinem iy biu cha nai, Tameuh ai palo.

I KORINTH 10:21

Nangchi ly Areng i khau hawi vawinamchi i khau hawi nei abom thai y leang: nangchi ly Areng i sabawi y hawi, vawinamchi i sabawi y py cho abom thai y leang.

I KORINTH 6:17

Na i py Areng hawi amtawm nai ly mymy hawi phailo bomrei ne.

II KORINTH 11:3

Na i py pavui my cheng tapawp naira y Evi ai parawi nai kamta ly, Krista mang y meitang nai hawi chai naira i dengdairei nai ly ati mo sa iy nangchi i paleung taphra lawh na, nanai kajei pahui nai ne.

EPHESI 4:21

Isu y leu meitang awm nai kamta nangchi ly mymy i raawi tangai iy mymy y amtiu nai ne nabaly:

KOLOSA 3:17

Naibaly nangchi i sa nai ngierei ly leu thui naira y mo, atiti sa naira y mo, mymy i saho y Ngaai Tameuh teng y kawn nai leu thui nai tarawi y, Areng Isu i amyn y so u bebe.

II JOHAN 1:4

Achi ly Ampo teng i dengdairei leu nga nai kamta ly, nang i chanau amichi mo ly leu meitang y tako nai kaniu nai deaungkho y khri pa-rei kakawn na.