SAM 85:13 - Khumi Common Language Bible

¹³ Leu meitang ly Areng i mo kamtheung ne i, jeu ai nai lam sa pi rym ai.

SAM 85:13 ပူးပေါင်းရင်းမြစ်များ

SAM 119:35

Kai ly nang i reita leu pei naichi tangai nai deaungkho y, huni reita leu pei naichi atyp pajau ai nai sabawm kyh ba.

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

ISAIA 58:8

“Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

JEREMIA 31:14

Kai ly pathyp pi nai keungchi ai, teicha teinei kahawi hawi bym pa-rei kapacho iy, kai i khumichi avaw nai ngierei ai angym pa-rei kapei pi ai. Hini ly kai, Areng i thui nai leu ne,” napi.

Ezekiela 36:30

Kai ly thengthaichi hawi amti amjangchi thawn hai ai. Hunaibaly khumi cheng cheaungkhangchi theung y nangchi ai tahm phra hai nai tahum takang ly theu hai bi ai ny y.

Levi 26:4

kai ly neng tym nai khala kani kang nai hai nai deaungkho y, li hlauchira i amti amjangchi theu iy thengthai keungchi athai thawn ai.

JOHAN 13:34

Atamen u leungtang, nanai leu kangtha kang pei; kaimy nangchi ai kang tamen nai kamta ly nangchi py atamen u leungtang.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

I PETERA 4:1

Hunaibaly Krista ly tlang mang y patang nai deaungkho y nangchi py hunai kamta paleung ly hai kamta teaung u teang; tlang mang y patang nai khumi ai ly kamngo mang y anawn hai veng nai bo;

I JOHAN 2:6

“kai ly mymy teng y kaawm jojo,” napi nai khumi ly mymy i tako nai kamta khyp my tako teang ai nai tla.