SAM 85:11 - Khumi Common Language Bible

¹¹ Khumichi i ka-ym awm nai ly khaileaung pri dengdairei theu iy, Tameuh i leu meitang ly kani pri mang dengdairei khen kathiu ai.

SAM 85:11 ပူးပေါင်းရင်းမြစ်များ

SAM 72:3

Pri theung y tlamsa iy, leu meitang adyh adawi naimy peang sy.

ISAIA 4:2

Areng ly hini pri theung y dengkeaung katheang kalen bawibawichi ai keung pui cheang iy, ngam sai heng-up nai neng tym hai ai. Dei kamthum Israela cheng bawibawichi ly hini pri i theu nai thengthaichi molam y amo theu u ai.

ISAIA 42:21

Areng ly atleu ai nai paleung awncha nai Tameuh ne iy, mymy ly my i reita hawi mymy i leu tahm khai nai khumi lawm ai nai aly ngai nai ne.

ISAIA 45:8

Kai ly kanitui kamta, kani mang i dengdairei, eaung naira pala pi ai. Huni ai khaileaung ly am-eaung iy, tlamsa naira hawi adyh adawi naira, napi nai athaichi theu ai. Kai, Areng ly hini atitichi tym hai ai.

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

LUKA 2:14

“Salo Kangteng i Tameuh nang parai nai awm sy, Khaileaung tleaung i mymy i kawn parai nai khuhmichi teng y aly nai awm sy,” nanai Tameuh ai palo.

JOHAN 14:6

Isu my ni teng y, “Kai ly lam py, leu meitang py, hengra py ne.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

EPHESI 1:6

Huni pahenra ly Ngai Parai Nai y jawm my ang pei;