SAM 84:9 - Khumi Common Language Bible

⁹ Aw Tameuh, nangmy vawi takhra nai samrang, kaichi i samrang ai amtheaung hai kyh ba.

SAM 84:9 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

2 SAMUELA 23:1

Tameuh my tahm pasang nai samrang lawm iy, Jakob i Tameuh my khai takhra nai Israela pri y tangai hawi parai nai khulym adi nai keung, Jese i chapo Davida i kangkhym i thui nai leu ly hinichi ne:

2 NENG SATANG 6:42

Aw Areng Tameuh, nangmy vawi takhra nai samrang ai ly khai su moh kyh ba. Nang i miseaung Davida i tlang tleaung y tamen nai ly pany pi jo kyh ba,” nanai chiu sa nai ne.

SAM 132:17

Kai ly hini mary y Davida i katu chanau leaungrei ai tahm asang keh nai samrang y kakhai ai; hini mary y kaimy vawi takhra nai samrang i sa thai naira khaw hai ai.

SAM 17:1

Aw Areng, adyh adawi ai nai molam y, kai i takeng nai tangai pi kyh ba. Kasabawmra nga ai nai kai i aeu nai raawi dawn pi patyp kyh ba! Kai ly neaung hawi parai naimy hnei takeng nai ne i, kai i chiu sa nai tangai pi kyh ba.

SAM 2:2

Huni khumichi i samrangchi ly tiu u bo. Hunichi i samrangchi ly Areng hawi mymy i khai takhra nai samrang ai tiu ai nai kangviu y arum u nai ne.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 3:3

Na i py aw Areng, nang ly khupui kamta ka-jeira i nai kai ai ama hai jojo; nang ly kai ai eaung naira pei iy sorai paleung angym hai teang bo.

SAM 59:11

Aw Tameuh, nichi ai padei moh ba; padei lawh baly kai i chengchi ly pany jo y ai i, tami veng ai. Kaichi ai ama hai iy kry nai keung aw Areng, nang i sa thai naira hawimy huni khumichi ai ahei hai phro iy, sum hai ba.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 89:20

Kai i miseaung Davida ai asitui leih iy, kaimy samrang kapalyn nai ne.

SAM 98:1

Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,

Leu Thui Nai 33:29

Israela chengchi awi, nangchi ly khri pa-rei taham hawi! Areng my nangchi ai atleu nai deaungkho y, nangchi ly asa takhra nai cheng ne. Nangchi ai ama hai ai nai hawi paleung ka-echi ai eaung ai nai Areng mymy kypkyp ly nangchi i khupui hawi haisau ne. Nangchi i paleung ka-echi ly pahenra nga ai nai ang jeu u ai, naibaly nangchi ly nichi ai chiu u piupa vui ai.

1 SAMUELA 16:6

Nichi tym u nai khala y Samuela ly Jesai i chapo Eliaba ai niu baly, “Areng i mo y angdo nai, hini khumi ly mymy i vawi pi takhra nai ne ngaw khyh,” nanai adawn.

1 SAMUELA 2:10

Areng i paleung ka-echi ly tama naira avum ai; nichi i tlang tleaung y kani pajyh hai ai. Areng ly khaileaung pri verei y tara chih ai; mymy ly mymy i vawi takhra nai samrang ai sa thai naira angym hai iy, mymy i khai takhra nai khumi ai eaung naira pei ai,” nanai thui bo.