SAM 84:5 - Khumi Common Language Bible

⁵ Nang teng i dengdairei atho haiho nga nai khumichi ly taham hawi; nichi ly Zion mawi mang y chei ai nai paleung apei u naichi ne.

SAM 84:5 ပူးပေါင်းရင်းမြစ်များ

SAM 122:1

Nichi my, “Achi ly Areng i yhm y chei u sina,” nanai thui nai khala y, kai ly amo theu parai nai ne.

SAM 134:1

Mymy i miseaung, Achura yhm theung y vum aneng kalop sa nai bawibawichi awi, Areng ai palo u.

SAM 40:8

Kai i Tameuh, kai ly nang i kangai sa ai nai khri pa-rei ngai; nang i leu pei nai paleung theung y pateung me bo,” nanai kang takeng bi bo.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 55:14

Nang hawi kai ly adyh parai naimy, arum apang hawi bo; Achura yhm y py, vanrei chiu sa ahawi nai ne.

SAM 65:5

Nang ly kaichi i chiu sa hnei takeng nai tangai pi iy, eaung naira nga hai bo; lyh ai hawi naichi sa naimy, kaichi ai atleu nai ne. Khaileaung pri verei hawi, pangli katem mang y awm u nai khumi bawibawichi ly nang ai ym u bo.

SAM 81:1

Achi ai ama hai nai keung napi nai Tameuh ai amo theu parai naimy palo u; Jakob i Tameuh ai palo nai khulym thui pi u.

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 31:6

‘Jeu u, achi i Areng awm naira Zion mawi y chei u sina,’ nanai Ephraim mawichi saleung i tamcheaungchi my aeu nai neng kani ly ang tym angchi khyp ai,” napi.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

ZEKHARIAH 10:12

Kai ly kaimy i khumichi ai atho awm hai ai. Nichi ly kai ai chiu u iy kai i leu tangai u ai.” Hini ly Areng i pei nai leu ne.

II KORINTH 12:9

Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.