SAM 84:3 - Khumi Common Language Bible

³ Kai i samrang, kai i Tameuh ne nai, ati cheaungkhang sa thai nai keung Areng, noparyhchi hawi pheaungphaichi malawn py, mychi i tabuchi ai nang i maicham sahawi y sa iy, chochi ai teu u bo.

SAM 84:3 ပူးပေါင်းရင်းမြစ်များ

2 SAMUELA 15:25

Naibaly samrang ly Zadok teng y, “Leu Maikawm Pawm ai mary theung y syn teang. Areng my kai ai aly ngai baly, kanirei nai khala y Leu Maikawm Pawm ai py, Pawm anawn nai meingtym ai py, khen ai nai ang pei ai.

SAM 116:7

Aw kai i paleung awi, Areng ai ym kalingie ba; ati mana nai mo nabaly mymy ly kai ai pahen nai keung ne.

SAM 42:3

Kai ly vum, kanithun vo nai deaungkho y, mei katuichi ly kai i teicha teinei lawm na bo. Paleung ka-echi my kai teng y, “Nang i Tameuh ly ma mang y awm mo?,” nanai avawrei angdeang u bo.

SAM 43:4

Huna nai khala y aw Tameuh, kai ly nang i maicham mang y ahihawi ai. Kai ly nang teng i amo theu naira kanga nai ne. Aw Tameuh, kai i Tameuh, nang ai taro beu naimy kang palo ai.

SAM 5:2

Kai i samrang, kai i Tameuh! sabawm pi ai nai kai i aeu naimy hnei takeng nai tangai pi kyh ba. Aw Areng, kai ly nang teng y chiu kang sa.

SAM 90:1

Aw Areng, nang ly deungtasarei kaichi i abyhra yhm ne.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

MATTHAI 23:37

“Aw Jerusalem, Jerusalem, amochi ai padei nai keung, nang teng y pato naichi ai ly lengseaung y aphi ka nai keung awi! A nu my mymy i chochi ai pakhi anui y o hai achu nai kamta, nang i chanauchi ai o hai achu ai nai tlen majirei kang tau mo?

MATTHAI 8:20

Naibaly Isu ly ni teng y, “Khivachi ly kho awm, salo mang i tavochi py tabu awm, na i py Khumi i Chapo ly awm ai nai meingtym ha py by y,” napi.