SAM 84:11 - Khumi Common Language Bible

¹¹ Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 84:11 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

SAM 119:114

Nang ly kai i ama hai naira hawi abyhra ne; kai ly nang i adeu nai leu ajeng naimy awm bo.

SAM 15:2

Ati cheaungkhangra y Tameuh i leu tangai iy, hawi naira sa jojo reng nai khumi, leu kateng kataw katheu reng nai khumi,

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 3:3

Na i py aw Areng, nang ly khupui kamta ka-jeira i nai kai ai ama hai jojo; nang ly kai ai eaung naira pei iy sorai paleung angym hai teang bo.

SAM 47:9

Pri tleireichi ai peang nai samrangchi ly jeu iy, Abraham i chiu nai Tameuh i khumichi hawi vanrei achu u bo. Mymy ly khaileaung pri y awm nai tavaimi ngiereichi tleaung y sa thai naira awm keh; mymy ly sa thai nai ra awm keh nai samrang ne.

SAM 84:9

Aw Tameuh, nangmy vawi takhra nai samrang, kaichi i samrang ai amtheaung hai kyh ba.

SAM 85:12

Areng ly achi ai nang chawn hai ai; achi i pri py amti amjang khri pa-rei thawn ai.

LEU KACHENG 10:9

Neaung hawi nai khumichi ly chymme naimy awm ai nai nga u reng nai ne. Na i py neaung hawi y nai khumichi ly mychi i hawi y nai sai amteng ai.

LEU KACHENG 2:7

Mymy ly khumi meitang, leu meitang teaung nai khumichi ai sabawm iy ama hai bo.

LEU KACHENG 28:18

Kahawi sa reng nai khumi ly ka-jeira avum y ai. Ka-kawi paleung awm nai khumi ly vaimy atlym ai.

LEU KACHENG 28:6

Kamawn kateu lawm iy khumi kahawi lawm nai ly nang chawn iy paleung ka-kawi awm nai tleaung y hawi keh nai ne.

MIKHA 2:7

Israela chengchi ly amsawi lawi bo, nanai athang khai a? Areng ly neaung kham pajau na bo a? Mymy ly huna nai sa takengkei ai bo a? Kahawi sa nai khumichi teng y, mymy ly kapahen leu thui pi ai ny y a?,” nanai kai teng y thui u ali teang bo.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

JOHAN 1:16

Mymy i angym naira ly achi ly nga bawibawi i, pahen nai tleaung y pahenra nga pateang bi bo.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

II KORINTH 3:18

Na i py achi bawibawi ly meimai amym y naimy dengkhang apui kamta Areng i nang parai naira angvang hai nai, nang parai naira i dengdairei nang parai veangveang naimy, achi ly huni kamta vanrei atawm khyp nai awm ai nai, takhra hai dudu nai awm bawibawi, Areng, Phailo napi nai i dengdairei nga nai kamta.

II KORINTH 4:17

Naibaly kaichi i patang nai di parai nai, vai mei amsymrei chy nai sala y awm nai my ly, khri pa-rei nang parai ai naira deungtasarei vui ang sa pi ryhryh nai ne;

KALATIA 2:14

Na i py nichi ly Satang Kahawi leu meitang kamta hawihai palai awm u y nanai kapany i, Kipha teng y nichi bawibawi i mo y, “Nang ly Juda khumi ne baly Judachi i awm nai kamta awm y naimy nang ly Cheng Takhrachi i awm nai kamta awm lawh nai ly, ati mana nai y Cheng Takhrachi ai ly Judachi i awm nai kamta nang ly awm hai akhikan lawh mo?” kanapi.

Leu Thui Nai 18:2

Nichi ly kalang theaungchi kamta, mychi i vui khu by y; nichi i vui nga ai nai phy ly Areng my adeu pi kamta, Areng i vui pathyp pi nai keungchi lawm hai patyp nai ne.

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

PHILIPI 4:19

Naibaly kai i Tameuh ly Krista Isu y mymy i nang parai naira i nang nai sai kamta nangchi i avaw naira cheaungkhangra y py ang nga hai ai mang.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.