SAM 80:9 - Khumi Common Language Bible

⁹ Nang ly kreip keung prau thai ai nai meingtym palum pachai pi bo; huni keung ly thiu parai pa-rei tangjyn aviu i, pri verei y khiu na bo.

SAM 80:9 ပူးပေါင်းရင်းမြစ်များ

2 SAMUELA 7:10

Kai i khumi Israela chengchi i vui awm ai nai meingtym vawi takhra iy, ana patang naira avum hai y naimy, saleaung khuteng chah hai bo. Hini pri y kun khyp khala i dengdairei, khumi hawi y naichi my tiu nai avum teu i py, vai mo mang y ly avum bi ai ny y. Nang ai paleung ka-echi teng i nai lawira nga hai ai i, katu chanauchi peung hai ai, nanai kai adeu bo.

1 ARENG KEH 4:20

Juda pri hawi Israela pri i mipuichi ly pangli peang i spryh jirei nawi nai ne. Nichi ly amo theu naimy cha nei iy awm u bo.

1 ARENG KEH 4:25

Ni i heng nai ryrei Juda pri hawi Israela pri verei y awm nai khumichi ly mychi yhm dengtheungchi i kreip akho hawi thaidu keung akhochi ra y tlamsa naimy awm u nai ne.

1 NENG SATANG 21:5

Ni my ly tavai keung y kalop sa pajau nai Israela pri theung i khumi leaung 1,100,000 rei hawi Juda pri theung y leaung 470,000 rei awm, nanai samrang Davida teng y amti pi bo.

SAM 105:44

Mymy ly nichi teng y khumi takhrachi i prichi pei pi nai deaungkho y, nichi ly huni khumichi i li hlauchi nga nai ne.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

ISAIA 27:2

Huni neng khala Areng ly mymy i apu parai nai kreip akho molam y,

ISAIA 27:6

Huni kani y Jakob i katu chanauchi napi nai Israela chengchi ly dengkeaung keung kamta, tangjyn pala iy pau ai. Khaileaung ly thengthaichi hawimy kawi na ai.

ISAIA 37:31

Juda chengchi theung i dei kamthumchi ly khaileaung y tangjyn thiu pa-rei aviu iy athai nai thengthai keungchi kamta thawn-pa u ai.

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

JEREMIA 12:2

Nang ly nichi ai pati nai deaungkho y, nichi ly tangjyn aviu, keung cheang iy athai thawn bo. Nichi ly nang i hawi nai sai thui u jojo i py, nichi ly angchi khyp, nang ai tahm khai u y leang.

JEREMIA 2:21

Kai ly lym patyp nai ti ra i kreip keung kaui nai ne. Na i py nang ati mana lawm mo, nanai khen cham! Nang ly veaung iy teaung ai ngo y nai kreip keung hawi atawm nai ne.

JOSUA 24:12

Nangchi tavai amsa u nai khala, kai ly nichi ai ahei hai phro iy, Amori samrang leaung nyhrei ai patheu veng bo. Nangchi i haisau hawi thailiho ateaungchi deaungkho y, eaung u nai ny y leang.