SAM 80:8 - Khumi Common Language Bible

⁸ Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

SAM 80:8 ပူးပေါင်းရင်းမြစ်များ

SAM 31:17

Aw Areng, kai ly nang teng y chiu sa hnei takeng nai ne. Kai ai kangji ngo hai moh kyh ba. Khumi hawi y naichi ly kangji kangai ngo u sy. Nichi ly tavau pri y syhp, ti u sy.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

SAM 60:3

Nang ly nangmy i khumichi ai, patang naira tym hai bo; kaichi ai nei cha ala nai khumichi kamta, atlym hai khikha na bo.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

JEREMIA 12:10

Cheng takhra samrangchi malawn py, kai i kreip akho taphra u nai ne. Nichi ly kai i li hlauchi ai chiu u piupa veng bo. Apu parai nai kai i pri nai tui by y nai daichi ka-vym lawm hai u bo.

JEREMIA 2:21

Kai ly lym patyp nai ti ra i kreip keung kaui nai ne. Na i py nang ati mana lawm mo, nanai khen cham! Nang ly veaung iy teaung ai ngo y nai kreip keung hawi atawm nai ne.

Ezekiela 15:6

Sa thai naira angym nai Areng my leu pei nai ly “Kreip keung ai daichi i nai la iy mai y tei nai kamta, kai ly Jerusalem mary i khumichi ai pahawi iy,

Ezekiela 17:6

Keungdichy ly sai ampho iy anem taryhdyh naimy changpichi angvai i, amhiryh nai kreip keung lawm bo. Huni keung i changpichi ly ahmtlau awm nai mang y lo kalau iy, tangjynchi ly khaileaung kathiu y aviu bo. Kreip keung ly ngam, changpichi hawi amhiru nai ne.

Ezekiela 19:10

Ngamhm ly tavo micheaung sahawi y ui nai kreip keung hawi atawm. Tui bym pa-rei nga nai deaungkho y huni keung ly ngam hawi athaichi pasu nai ne.

AMTAW 7:45

huni teang achi i amsi sangum kangpreang bi naichi ly Cheng Takhrachi i pri nga ai nai athun nai thym khala y ly, Josua hawi vanrei kun hai; nichi ai ly Tameuh my achi i amsi sangumchi i mo y Davida awm khala y khrairei patheu jojo.

JOSUA 13:6

Peang vui ai nai awm rai nai khu ka-peangchi ly Lebanon mawi hawi Misrepho Main mary sala, mawi aheung meingtym y awm nai Sidon chengchi i khu ka-peang bawibawi py abawi nai ne. Israela chengchi ly hini prichi ai peang vui ai nai amsa u nai khala, nichi bawibawi ai kaimy paryh vui ai. Kai ly nang ai leu kang pei nai kamta, Israela chengchi i vui khu ka-peang bawibawi ai phy paji pi ai nai tla.