SAM 79:9 - Khumi Common Language Bible

⁹ Aw Tameuh, kaichi ai sabawm ly atleu kyh ba; nang i amyn saho y kaichi ai atleu iy, kaichi i kamngochi py pahen pi kyh ba.

SAM 79:9 ပူးပေါင်းရင်းမြစ်များ

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

SAM 115:1

Aw Areng, nang i khaw parai nai tamen naira hawi ka-ym awm nai molam y, nang teng y naini nang parai naira awm khyh; kaichi teng y nang parai naira by y.

SAM 25:11

Aw Areng, kai i kamngochi ly nawi parai. Hunai deaungkho y nangmy i adeu nai khaw hai iy, kai i kamngochi pahen pi kyh ba.

SAM 31:3

Nang ly kai i lengseaung hawi lengseaung yhm ne. Ka-deu awm nai kamta, kai ai lam patei kyh ba.

SAM 65:3

Kaichi i tamang nairachi ly khri pa-rei nawi i py, nang ly kaichi i kamngo palawi pi nai ne.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 48:9

“Khumichi my kai i amyn palo u ai nai, kai ly kaimy i kado theu nai am-yh vui ai. Kaimy i kado katheu am-yh vui iy, nangchi ai tamyh vui ai nai so y ai.

JEREMIA 14:21

Nang i leu adeu naichi pany pi jo kyh ly khensi-me moh kyh ba. Nang i nang parai nai sai apu nai areng atehra, napi nai Jerusalem mary ai tahm panem moh kyh ba. Nang ly kaichi hawi asa nai Leu Maikawm ai taphra moh kyh ba.

JEREMIA 14:7

Kai i khumichi my kai teng y, ‘Kaichi ly kaimychi i kamngo my thui tamawn teu i py, aw Areng, kaichi ai nangmy i amyn y sabawm kyh ba. Kaichi ly nang ai avaw avawrei, nithun kathun u bo. Nang i tlang tleaung y kamngo kasa u lawh bo,’ nanai aeu u.

Ezekiela 20:14

Na i py huna nai tamyh pawn lawh baly, pri cheaungkhangchi i mo y kai i amyn phra ai. Ati mana nai mo na baly nichi ai Aikupta pri i dengdairei kaimy pahawi nai ly khumi cheng cheaungkhangchi my niu nai deaungkho y ne.

Ezekiela 20:44

Aw Israela chengchi awi, kai ly kaimy i amyn saho y kaimy i tahm awm jo ai nai molam, nangchi i khumi aso y nai y, nangchi ai kang pajeng y nai khala, kai ly Areng ne, nanai nangchi pany u ai,” napi. Hini ly sa thai naira angym nai Areng i leu pei nai ne.

Ezekiela 20:9

Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

DANIELA 9:19

Aw Areng, tangai pi kyh ba. Aw Areng, kaichi i kamngo pahen pi kyh ba. Aw Areng, kaichi i hnei takeng nai tangai iy, kawn pi kyh ba. Aw kaichi i Areng, paniu moh ba. Huna khala y nang ly Tameuh ne nanai khumi luteng my pany u ai. Hini mary hawi hini khumichi ai nangmy peang nai ne,” nanai chiu sa bo.

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

MALAKHI 2:2

Nangchi ly kabo kaja, amhi amtlau nai dengdairei, kai ai tahm khai naimy palo u ai nai tla. Kai i leu ai nangchi tangai u y lawh baly kai ly nangchi ai vaineng lawi hai ai. Nangchi i paleung pado nairachi ai py, vaineng lawi hai ai. Meitang khyp, hunichi ly vaimy vaineng lawi u bo. Ati mana nai mo na baly nangchi ly kai i reita leu ai tahm khai u y nai deaungkho y ne.

EPHESI 1:6

Huni pahenra ly Ngai Parai Nai y jawm my ang pei;

JOSUA 7:9

Kanan cheng dengdairei, hini pri y awm nai khumi bawibawichi ly huni satang thai u i, kaichi ai katanmeuh iy leaungrei py tleaung y na pa-rei ang tleh u ai. Huna nai khala, nang i nang parai nai sai khumichi my tahm panem y ai nai mana sa ai mo?” napi.