SAM 79:8 - Khumi Common Language Bible

⁸ Amsi pajochi i kamngo nai molam y, kaichi ai pajeng moh kyh ba; vai ly kaichi ai pahen ba; kaichi ly athang khai naira by y bo.

SAM 79:8 ပူးပေါင်းရင်းမြစ်များ

ATITI AWM ANGCHEI NAI 15:16

Nang ly kangpreang deung palyhrei nai bo y hini pri y tym teang ai; ati mana nai mo nabaly Amori chengchi ly khumi aso y nai molam y pajeng naira avum nai khala, nichi ai hini pri i nai kaimy patheu vui ai nai deaungkho y ne,” napi.

1 ARENG KEH 17:18

Neampachy lumai ly Elija teng y, “Aw Tameuh i khumi awi, nang ly ati mana nai kai ai hini patang naira tym hai lawh mo? Nang ly kai i chapo ai dei ai nai pa-rei Tameuh teng y, kai i kamngochi pany hai ai nai hini meingtym y jeu nai a?” napi.

SAM 106:43

Areng ly mymy i khumichi ai avawvawrei atleu pi teu i py, nichi ly mymy ai tiu u rara nai deaungkho y, kamngora y anum u veangveang nai ne.

SAM 116:6

Areng ly jeaungmang nai khumichi ai ama hai; kai ka-jeira avum nai khala y, kai ai atleu nai ne.

SAM 130:3

Nang ly kaichi i kamngochi tajiu pi typ jo ai nabaly, kamngo pajengra i nai ami tleaung pajau ai mo?

SAM 142:6

Sabawm naira nga ai nai kai i aeu nai raawi tangai pi kyh ba; kai ly khri pa-rei paleung phra atho di na bo. Kai tleaung y khri pa-rei atho awm nai paleung ka-echi kiu i nai kai ai atleu kyh ba.

SAM 21:3

Nang ly ni ai amtheaung naira kahawichi pei pi. Ni ai muku lukhym amym hai bo.

SAM 25:7

Hawi thym hawisai thym khala y kai i sa tamang nai kamngochi hawi, kateng so y naichi ai pahen kyh ba. Nang ly khaw parai nai tamen naira awm iy, neaung hawi nai sai molam y, kai ai pany jo kyh ba.

THEU NAI 32:34

Vai chei iy nang teng y kang thui pi nai meingtym y tym pa-rei nichi ai pahawi; kai i angel my nang ai lam patei ai; na i py hini khumichi i kamngolai kapajeng ai nai neng tym ai mang,” napi.

ISAIA 64:9

kaichi i tlang tleaung y kado theu hai ala moh, ti y i py, kaichi i kamngochi ai pany pi jo moh kyh ba. Kaichi ly nang i khumichi ne i, kaichi ai pahen kyh ba.

Ezekiela 2:3

“Nang khumi cho awi, kai ai tiu nai Israela khumichi theng y nang ai kang pato ai. Nichi ly mymychi i amsi pajochi kamta, vai khrairei kai ai ang tiu u nai ne.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

HOSEA 9:9

Nichi ly Kibeahmary y awm nai kamta, khri pa-rei sa tamang u nai ne. Tameuh ly nichi i kamngo pany pi jo iy, huni molam pajeng ai.

Leu Thui Nai 28:43

“Nangchi i pri y awm nai cheng takhrachi ly tahm asang tleaung asang ra iy, nangchi ly jum ryh jum ryh ai.

AMTENG HAI NAI 18:5

ati mana nai mo nabaly mymy i kamngo nairachi ly kani pri angteu vi na i, Tameuh my ni i atiti hawi y sa naichi ly pany pi be bo.