SAM 79:4 - Khumi Common Language Bible

⁴ Tengpang sahawi y awm nai prichi my ly panui hai iy thui preaung u nai ne.

SAM 79:4 ပူးပေါင်းရင်းမြစ်များ

1 ARENG KEH 9:7

kai ly kai i khumi Israela chengchi ai kaimy pei nai hini pri i dengdairei patheu vui ai. Kai ai chiu ai nai i vui y khai takhra nai hini Achura Yhm ai py nyn va vui ai. Huna nai khala y meingtym tleirei i khumichi ly Israela chengchi ai thui tamawn naimy panui hai ai.

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

NEHEMIA 2:19

Naibaly huni satang ai Sanbala, Tobiah hawi Arab cheng Keshemchi my thai u nai khala y, kaichi ai ang panui hai nai tarawi y nichimy thui nai ly “Nangchi i katau ly ati mo? Nangchi ly empara samrang ai tiu u nai a?,” ang napi u.

SAM 80:6

Nang ly kaichi i pri ai, tengpang y awm nai prichi i tavai atiura meingtym lawm hai bo; paleung ka-echi ly kaichi ai khumi aniu y bo.

SAM 89:41

Ni i sahawi mang aki aleaung nai khumi bawibawichi ly ni i yhmtheaung katuichi paviu u; ni i yhm deaungpachi my py panui hai bo.

ISAIA 43:28

Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 25:18

Juda samrangchi, miteaung kehchi hawi vanrei, Jerusalem mary hawi Juda mary i awm nai ngiereichi ly niu nai khumichi i vui y kaso theu jei hyn ai hawi nai khutaha daichi ka-vym lawm bo. Huni khumichi i amynchi py khumichi my pasawi patau naira y teaung nai leu lawm hai nai, huni kado theu nai hang nei u bo. Vai khrairei huni marychi ly hunai kamta awm jo nai ne.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

JEREMIA 51:51

Nangchi my, ‘Kaichi ly tahm anem iy kangji kanga u bo. Achura yhm i meingtym kachaichi ai cheng takhra khumichi my peang vui nai deaungkho y, kaichi ly jeaungmang u nai ne,’ nanai thui u bo.

TANGAM NAI LEU 1:11

Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

TANGAM NAI LEU 5:1

Aw Areng, kaichi teng y tym naichi ly ati mana nai leaungsaichi mo, nanai pany pi jo kyh ba. Kaichi ai khen kyh ly kaichi i tahm anem nai sai niu pi kyh ba.

Ezekiela 22:5

Kamlo kang sa i prichi my, nang ly reita ai pipi dawn y iy amyn phra nai molam y panui hai bo.

Ezekiela 35:12

Huna nai khala Israela mawichi ly khumi angso savai tlang nai, huni meingtym ly kaichi my tiu lawm nai meingtymchi ne, nanai nangchi thui tamawn nai leuchi ai, kai Areng ly thai bo, nanai nangchi pany u ai.

Ezekiela 36:15

Huni pri ly khumi cheng cheaungkhangchi my panui hai nai raawi thai u bi ai ny y; labeaung pi hai nai py niu ali bi ai ny y. Huni pri ai py phra hai bi ai ny y. Hini ly sa thai naira angym nai kai, Areng i pei nai leu ne,” napi.

Ezekiela 36:3

“Huna nai y sa thai naira angym nai kai, Areng my leu pei nai thui pi. Pri deaungpachi my tiu vui nai khala, khumi luteng my ly Israela chengchi ai panui hai u nai ne.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

ZEPHANIAH 3:18

Areng my, “Pawi prang sa naira y nangchi i paleung si vo nai ai, kaimy aphi pi veng bo. Nang i tahm phra nai ai, kaimy taphra pi veng bo.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

Leu Thui Nai 28:37

Areng my nangchi ai pri tleirei y ahei hai nai khala, huni pri i khumichi ly nangchi i patang nai sai nui iy kaso theu u ai; nichi my nangchi ai panui pachem hai ai.