SAM 79:10 - Khumi Common Language Bible

¹⁰ “Nangchi i Tameuh ly ma mang y mo?,” nanai khumi cheng cheaungkhangchi ly ati mana nai y deng u lawh mo? Nang i khumichi i thi leaung hai nai khumichi i tlang tleaung y kamngo pajeng nai ly kaichi niu ai nai ngai.

SAM 79:10 ပူးပေါင်းရင်းမြစ်များ

SAM 115:2

“Nangchi i Tameuh ly ma y awm mo?,” nanai khumi cheng cheaungkhangchi ly ati mana nai y kaichi teng y deng u lawh mo?

SAM 42:10

Kai i paleung ka-echi my, “Nang i Tameuh ly ma y mo?,” nanai kai ai avawvawirei angdeng i, nichi mei aniu y nai molam y, kai ly khri pa-rei paleung phra atho di bo.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 42:3

Kai ly vum, kanithun vo nai deaungkho y, mei katuichi ly kai i teicha teinei lawm na bo. Paleung ka-echi my kai teng y, “Nang i Tameuh ly ma mang y awm mo?,” nanai avawrei angdeang u bo.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 58:11

Khumichi my, “Khumi kahawichi ly meitang khyp, kawn vang nga u bo; khaileaung pri ai tara chih nai keung Tameuh ly awm khypkhyp nai ne,” nanai thui u ai.

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

SAM 94:1

Aw Areng, nang ly kamngo pajeng ai nai aly peang nai Tameuh ne; nang i kado theu nai amteng hai ba!

THEU NAI 6:7

Kai ly nangchi ai kai i khumi kypkyp kapalawn ai; kai ly nangchi i Tameuh ne ai. Aikupta pri y miseaung achei naira i nangchi ai kang lawi hai nai khala y, kai ai nangchi i Areng Tameuh ne, nanai pany u ai.

THEU NAI 7:5

Huna nai Aikupta chengchi ai kai i kiu pheu iy, Israelachi ai kapatheu nai khala, kai ly Areng ne, nanai Aikupta chengchi pany u ai,” napi.

ISAIA 64:1

Nang ly ati mana nai y kani pa-kho paeaung iy jeu kathiu y lawh mo? Mawichi ly nang ai niu nai khala, jei hyn u ai.

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

JEREMIA 51:35

“Kaichi i tlang tleaung y tym nai khrukhra nairachi ly Babulon mary y py tym sy!” nanai Zion mary i khumichi thui u sy. “Kaichi i tlang tleaung y tym nai patang nairachi ly Babulon mary y py tym sy!” nanai Jerusalem mary i khumichi thui u sy.

TANGAM NAI LEU 1:22

“Nichi ai mychi i hawi y nai cheaungkhang molam y pajeng kyh ba. Kai ai kaimy i kamngo molam y nangmy parip nai kamta, nichi ai py parip kyh ba. Kai i paleung py ka-dawn hawi y na bo.”

Ezekiela 36:23

Khumichi i mo y nangchi my tahm khai y nai, kai i nang parai nai amyn kachai ly mana tanrei chai mo, nanai khumi cheng cheaungkhangchi teng y kapatei ai. Nichi i mo y kai ly kachai ne, nanai nangchi ai teaung iy pany hai ai. Huna nai khala kai ly Areng ne, nanai nichi pany u ai. Hini ly sa thai naira angym nai kai, Areng i pei nai leu ne.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

ROM AVANGCHI TENG Y PAWLA I CHA PA NAI 12:19

Ngai parai naichi awi, vawitheung atha u moh ly; “Areng my, ‘Vawitheung nanai ly kaimy tha ai nai tla, kaimy kaheung ai,’ napi,” nanai tajiu nai ne.

Leu Thui Nai 32:43

“Cheng theaung khumichi awi, Areng i khumichi ai palo u; mymy ly mymy i khumichi ai padei nai keung ngiereichi ai ly pajeng ai. Mymy ly mymy i paleung ka-echi ai vawitheung tha ai, mymy ly mymy i khumichi i kamngo pahen pi ai,” napi.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.