SAM 78:8 - Khumi Common Language Bible

⁸ Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

SAM 78:8 ပူးပေါင်းရင်းမြစ်များ

2 ARENG KEH 17:14

Na i py nichi ly tangai pi y; mymychi i Areng Tameuh ai ym y nai amsi pajochi kamta, paleung kyh chawn u bo.

2 NENG SATANG 12:14

Samrang ly Areng i kangai sa ai nai paleung ka-dawn by y nai deaungkho y, hawi y nairachi sa bo.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 20:33

Na i py myn chiu nai meingtymchi taphra y. Khumichi ly mymychi amsi pajochi i Areng Tameuh ai chiu ai nai paleung apei y nai ne.

2 NENG SATANG 30:19

“Aw kaichi amsi pajochi i Areng Tameuh, huni khumichi ly kachai aso y teu i py, nang ai paleung hawi verei chiu naichi ne nai deaungkho y, nang ly neaung hawi parai nai saho y, nichi ai ly pahen pi kyh ba,” nanai chiu sa bo.

2 NENG SATANG 30:7

Nangchi ly Areng Tameuh i leu atangai y nai amsi pajochi hawi, takhra Israela chengchi kamta so u moh. Nangchi pany u nai kamta mymy ly huni khumichi ai pajeng nai ne.

JOBA 11:13

Joba awi, nang ly paleung amtlau iy, Tameuh teng y ahihawi ba.

SAM 106:7

Kaichi i amsi pajochi ly Aikupta pri y Tameuh my sa nai lyh ai hawi parai nai ai pany thai y; nichi teng y avawvawrei, tamen nai sai patei pi nai ly tami u veng bo. Naibaly pangli kamsen sahawi y ati cheaungkhang sa thai nai keung ai tiu u nai ne.

SAM 68:6

Mymy ly bengtlairei awm nai khumichi ai yhmtheaung sa ai nai pei iy, theaung tla nai khumichi ai kawm cheng naira i lawi hai bo; na i py mymy ai tiu nai khumichi ly tui by y nai meingtym y awm u ai nai tla ai.

SAM 78:37

Nichi ly mymy i tlang tleaung y ka-ym by y, mymy hawi asa nai Leu Maikawm ai py kry u y.

SAM 78:40

Nichi ly daichi ka-vymra y mymy ai avawrei tiu u; mymy ai avawrei paleung phra hai u lawh ly.

SAM 78:56

Na i py nichi ly ati cheaungkhang sa thai nai Tameuh ai tiu i, cham u lawh; nichi ly mymy i reita leu pei naichi ai kry u y lawh.

THEU NAI 32:9

Areng my, “Hini khumichi ly khri pa-rei paleung tang, nanai kai pany.

THEU NAI 33:3

Nangchi ly cha nei avaw y iy pa-tiu khuta hawi nai pri kahawira kang tha ai. Na i py nangchi ly paleung tang nai khumichi ne nai y, lam sala y nangchi ai kang tamyh pawn lawh na i, kaimy kypkyp ly nangchi hawi vanrei chei y leang,” napi.

THEU NAI 33:5

Areng my Mosi dengdairei Israela chengchi teng y, “Nangchi ly paleung tang nai khumi ne; kai ly nangchi hawi kani tanareichy chei hai lawh baly, nangchi ai kang padei chauchau ai; vai ly nangchi i vang kateng ateaungchi aleng u; huna khala naini, kai ly nangchi ai mana kang sa hai ai mo, nanai dawn pi ai,” napi.

THEU NAI 34:9

“Aw Areng, nang ly kai ai paleung no baly, kaichi hawi vanrei chei ai nai kang takeng. Hini khumichi ly paleung tang nai cheng ne; na i py kaichi i sa tamang nai hawi kamngo naichi pahen pi kyh ly kaichi ai nang i khumichi ne, nanai palawn teang kyh ba,” napi.

ISAIA 30:9

Nichi ly Tameuh ai avawrei tiu naimy, avawrei tapawp naimy, Areng i leu ai avawrei akhi naimy awm u nai ne.

Ezekiela 20:18

Daichi ka-vym theung i nai nichi i cho chanauchi teng y, ‘Nangchi i amsi pajochi i sa nai reitachi teaung u moh; nichi i reita tanynchi py patawm u moh. Nichi i mynchi ai chiu nai hawimy chai hai y nai so u moh.

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

Leu Thui Nai 31:27

Nichi ly paleung tang iy tiusi, nanai kai pany. Nichi ly kai dei y rai khala my Areng ai tiu u i, kai dei nai bo khala ipsaly, huni tleaung y tiu u ra ai.

Leu Thui Nai 4:4

Na i py Areng Tameuh ai chiu nai nangchi ai ly vaini khrairei heng hawi hai nai ne.

Leu Thui Nai 9:13

Areng my kai ai ang thui pi bi nai ly “Hini khumichi ly paleung tang nai cheng ne.

Leu Thui Nai 9:24

Nangchi ly kaimy pany angchei khyp khala i dengdairei, Areng ai tiu naichi ne.

JOSUA 22:15

Nichi ly Ruben theaung, Kad theaung hawi nisi Manase theaungchi awm nai Kilead pri y tym u i,

1 SAMUELA 8:8

Nichi ai kaimy Aikupta pri i nai kapahawi nai dengdairei vaini khrairei, nichi ly kai ai nithun thun iy, tameuh takhrachi ai chiu u; nichi ly kai ai avawrei ang sa nai kamta, vai ly nang ai ang sa u nai teu bo.