SAM 78:69 - Khumi Common Language Bible

⁶⁹ Huni mawi salo y kani pri mang i yhm atawm nai Achura yhm sa nai ne. Huni Achura yhm ai khaileaung kamta, deung kangthau khrairei khaw hai bo.

SAM 78:69 ပူးပေါင်းရင်းမြစ်များ

1 ARENG KEH 9:8

Hini Achura Yhm py phra seaungkhrang nai yhm lawm ai. Huni sahawi mang tako nai khumi bawibawichi ly khri pa-rei lyh u ai i, ‘Areng ly hini pri hawi hini Achura Yhm ai, ati mana nai y hina nai kamta sa lawh mo?,’ nanai deng u lengleang ai.

1 NENG SATANG 29:1

Samrang Davida ly khumi mipui bawibawichi teng y, “Kai i chapo Solomon ly Tameuh my vawi takhra nai khumi ne. Na i py saneng theang i pany nai sai angym y rai. Ni i sa ai nai kalop ly khri pa-rei len parai. Ati mana nai mo na baly vai sa ai nai ly khumichi i vui samrang yhm ny y, Areng Tameuh i vui Achura yhm ne lawh nai deaungkho y ne.

1 NENG SATANG 29:19

Nang i leu pei naichi ai paleung hawi verei tangai ai ngai nai paleung ka-dawn py, Achura yhm cheang pa-rei paleung hawi verei sa ai ngai nai paleung py, kai i chapo Solomon teng y pei pi kyh ba. Huni Achura yhm i vui kai ly hini atitichi angveirym bo,” nanai chiu sa.

2 NENG SATANG 2:9

Kai i sa ai nai Achura yhm ly khri pa-rei len parai nai deaungkho y, nang i khumichi dengkeaung kalop sa naira y, nang i khumichi ai sabawm ai nai kai i khumichi ai pato pi ai.

2 NENG SATANG 3:4

Achura yhm dangkhung ka ly Achura yhm ka miu 20 rei khyp awm iy, ka-sang miu 120 rei awm nai ne. Huni dangkhung theung mang ly muku tangcheng hawi palum bo.

JOBA 26:7

Tameuh ly tosyh mang y awm nai kani khusang kadai iy, khaileaung ai ly khusang deaungdura y banghau nai ne.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 104:5

Nang ly khaileaung ai mana khala py, asyh vui pajau y na pa-rei langdeng pala iy khaw hai typ bo.

SAM 87:1

Areng ly chai parai nai mawi salo y, mymy i mary pui sa nai ne.

ISAIA 48:13

Kai i kiu ly khaileaung sangum langdengchi pala iy, kani khusang ai khiu tapai nai ne. Kai ly khaileaung hawi kani khusang ai kapalau nai khala y, vaimy tym u praw bo.

ISAIA 51:6

Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.

1 SAMUELA 2:8

Mymy ly khumi kamawnchi ai spryh i nai pathau iy, khumi kamawn kateuchi ai pasang bo. Nichi ai samrang i chochanauchi hawi amkawm ai nai pei iy, tahm awm nai meingtym y ateh hai bo. Areng ly khaileaung i sangum langdeng ai peang; Huni langdengchi salo y khaileaung pri ai sa nai ne.