SAM 78:58 - Khumi Common Language Bible

⁵⁸ Nichi ly tameuh ny y naichi ai chiu ai nai meingtym sa u nai molam y, nang ai kado theu hai; mynchi molam py mymy ai kado theu hai bo.

SAM 78:58 ပူးပေါင်းရင်းမြစ်များ

1 ARENG KEH 11:7

Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.

1 ARENG KEH 12:31

Jeroboam ly mawi saleungchira py chiu sa nai meingtymchi sa pi. Levi theaung ny y naichi ai vawi takhra iy pathyp pi nai keung palawn bo.

2 ARENG KEH 17:9

Israela chengchi ly mymychi i Areng Tameuh i kangai so u y; nichi ly mychi i theang keh nai avangchi dengdairei len keh nai marychi khrairei, huni meingtymchi ra y myn chiu nai meingtymchi sa u nai ne.

2 ARENG KEH 21:7

Ni ly Aser tameuh nu i tamkhawn Achura yhm y khai; huni Achura yhm molam y Areng my Davida hawi chapo Solomon teng y, “Israela cheng holai nyhreichi i khu ka-peangchi ra y kaimy vawi takhra nai Jerusalem mary i hini Achura yhm ly kai ai chiu jojo nai meingtym lawm ai.

2 NENG SATANG 21:11

Ni ly Juda mawi aheungchira y myn chiu nai meingtymchi sa iy, Juda khumichi hawi Jerusalem mary i khumichi ai, Areng i tlang tleaung y kamngo sa ai nai lam patei bo.

SAM 79:5

Aw Areng, nang ly kaichi ai kado theu naimy awm jojo ai bo a? Nang i kado theu nai ly rym y naimy, mai kamta angveaung jojo ai bo a?

SAM 97:7

Mynchi ai chiu u nai khumi bawibawichi ly kangji nga u bo; tameuh bawibawichi ly Areng i mo y lu meung u bo.

THEU NAI 34:14

Kai, Areng ly ka-awi sa nai keung ai niu ngai y nai deaungkho y, nangchi ly tameuh takhra ai chiu ai nai tlo y.

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

HOSEA 13:2

Nichi ly tau cheng nai khumichi i kasabawm hawi, tangka mynchi chiu iy kamngo sa ra sa ra nai ne. Naibaly nichi my, “Hini mynchi teng y apathyp u!” nanai thui u. Khumi ly huni si katai mynchi ai pachawm ai nai avo na a!

Levi 26:30

Kai ly mawi aheungchira i, nangchi i chiu nai meingtymchi ai taphra pi pawn iy, mui katui leng patlum nai maichamchi py panawi pi pawn ai. Nangchi i veuchi ai anawi jawn nai mynchi salo y aphi chup ai. Kai ly nangchi ai kang paso nai deaungkho y,

Kati Nai 33:52

huni pri y awm nai khumi bawibawichi ai patheu pawn ai nai tla. Nichi i lengseaung tameuh myn, tamo ngan tameuh mynchi hawi nichi i chiu nai meingtym ngiereichi ai taphra pawn ai nai tla.

I KORINTH 10:22

Ti y baly achi ly Areng my takho ai nai pacheang nai tau lawh a? Achi ly mymy tleaung y ham keh lawh a?

Leu Thui Nai 12:2

Nangchi peang nai pri mawi saleung, mawi aheung, ngam heng-yh nai dengkeaungchi anui i, huni pri khumichi my chiu nai meingtym bawibawichi taphra u pawn ai nai tla.

Leu Thui Nai 12:4

Nangchi ly nichi i tameuhchi ai chiu nai leaungsai kamta, nangchi i Areng Tameuh ai chiu u moh.

Leu Thui Nai 27:15

“Lengseaung, dengkeaung, tamo hawi mynchi sa iy, hunichi ai ka-vym y chiu nai khumichi ly Tameuh teng i amsawi lawi ai. Areng ly myn chiu nai ai paso nai ne,’ nanai vaineng tauh nai khala, “Khumi bawi bawichi my ‘Amen!’ nanai pathang u sy.

Leu Thui Nai 32:21

Nichi i tameuh mynchi hawimy kai ai kado ang theu hai bo; nichi i tameuh tatang ny y nai hawimy kai ai takho ang si hai. Hunai deaungkho y aso ami y nai khumi cheng lawm hai nai hawimy nichi ai kado theu hai ai. Cheng y nai khumi cheng lawm nai hawimy, nichi ai takhosi nai paleung tym hai ai.

TARA CHIH NAI KEUNGCHI 10:6

Israela chengchi ly Bala tameuh, Moba tameuh, Asatare tameuh, Suria tameuh, Sidon tameuh, Ammon tameuh, Philistia tameuhchi ai chiu u i, Areng ai khai u su bi nai ne. Nichi ly Areng ai khai su iy mymy ai chiu nai anawn u veng bo.

TARA CHIH NAI KEUNGCHI 2:17

Na i py Israela chengchi my ly huni lu sa nai keungchi i leu tangai pi y; Israela chengchi ly Areng i leu tangai y i, tameuh takhrachi ai chiu u bo. Areng i Reita leu pei naichi ai amsi pajochi my sa patawm nai kamta, nichi ly patawm u y.

TARA CHIH NAI KEUNGCHI 2:20

Huna nai khala Areng ly Israela chengchi ai khri pa-rei kado theu i, “Huni khumichi ly kai i leu tangai y, kaimy nichi teaung patawm ai nai amsi pajochi teng y pei nai Leu Maikawm taphra u.

TARA CHIH NAI KEUNGCHI 3:19

Na i py Ehu ly Kilakala sahawi i lengseaung mynchi awm naira dengdairei ali teang iy, Ekalon teng y chei ali teang i, “Samrang nang teng y leu kamsyh thui pi ai nai awm,” napi. Huna nai y samrang ly miseaungchi teng y, “Kaimy ni tlairei avum ai nai awm i, theu u pawn!,” nanai leu pei i, nichi bawibawi ly theu u pawn bo.