SAM 78:5 - Khumi Common Language Bible

⁵ Mymy ly Israela chengchi teng y reitachi hawi, Jakob i cheng theaungchi teng y reita leu pei naichi py pei pi bo. Reita leu pei naichi ai katu chanauchi teng y thui pi pateang ai nai mymy ly achi i amsi pajochi teng y taviu pi yb bo.

SAM 78:5 ပူးပေါင်းရင်းမြစ်များ

ATITI AWM ANGCHEI NAI 18:19

Kai i leu tangai iy, atiti kahawi sa ai nai mymy i kangpreangchi hawi, mymy i chapochi ai leu pei ai nai molam y, kai ly mymy ai vawi takhra nai ne. Nichi kahawi sa baly kaimy i leu adeu nai kamta khyp, ni i vui ati cheaungkhangchi sa pi ai,” napi.

SAM 119:152

Kai ly deaungdi khala i dengdairei, nang i thui parip nai saichi ai kapany yb bo; hunichi ai nang ly khaw hai jojo nai ne.

SAM 147:19

Mymy ly mymy i leu ai mymy i khumichi teng y py, reita leaungsai hawi reita leu pei naichi ai Israela teng y py, pei pi nai ne.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

SAM 81:5

Mymy ly Aikupta pri y tiu nai thym khala, huni leu ai Israela chengchi teng y pei pi bo; kai pany vai y nai katyn thai.

THEU NAI 12:27

nangchi my, ‘Hini ly Areng ai tahm khai nai Katlen vui nai apathyp Pawi ne; ati mo na baly Aikupta chengchi ai pajeng nai khala y, Aikupta pri y awm nai Israela chengchi i yhm y ly katlen vui nai deaungkho y ne,’ nanai pathang ai nai tla. Naibaly Israela chengchi ly kheukhu di u iy Areng ai chiu u bo.

THEU NAI 25:16

Reita leu pei naichi tajiu typ nai lengseaung phei nyhrei kang pei ai. Huni lengseaung phei nyhrei ai ly huni Pawm theung y khai ai nai tla.

THEU NAI 25:21

Lengseaung phei nyhrei ly Pawm theung y khai iy, khym typ ai nai tla.

THEU NAI 40:20

Huni bo y ni ly lengseaung phei nyhrei ai Leu Maikawm Pawm theung y khai typ bo; Pawm i sengtlengchira y samtleang thawi iy, khym py Pawm salo y tleang typ bo.

THEU NAI 40:3

Tabynako theung y leu sai horei pei naichi abawi nai Leu Maikawm Pawm khai iy, huni i mo y ly kanih ali jang khyp ai nai tla.

ISAIA 38:19

Vai, nang ai kaimy kang palo nai kamta heng nai khumichi naini nang ai palo u nai ne. Ampochi ly cho chanauchi ai nang i ka-ymra satang thui pi u bo.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

ROM AVANGCHI TENG Y PAWLA I CHA PA NAI 3:2

Lengkhym takip naira py ati kamran awm mo? Lam cheaungkhangra y chawn parai; angchei y ly nichi teng y Tameuh i leu sai ly kry hai nai deaungkho y chawn naira ne.

EPHESI 6:4

Naibaly nangchi ampochi awi, nangchi i chanauchi ai kado patheu u reng moh; Areng i thui rip naira hawi parip naira y phai kry u.

Leu Thui Nai 11:19

Nangchi i cho chanauchi teng y py hini reita leu pei naichi patiu pi u. Nangchi yhm y awm i py, khuleaung keung y py, anawn khala py, kalop sa nai khala py, hini reitachi thui pi u.

Leu Thui Nai 31:13

Hina nai sa iy nangchi i Areng Tameuh my reita leu pei naichi thai vai y nai nangchi i kangpreangchi thai u ai. Huna khala naini nichi ly Jordan tavo angpeang iy, peang ai nai pri y awm nai ryrei ly mymy i leu pei naichi tangai ai nai nichi amtiu u ai,” nanai thui pi bo.

Leu Thui Nai 32:46

“Nangchi teng y vaini kaimy kang pei nai hini leu saichi hawihai patawm u. Nangchi i cho chanauchi py Tameuh i leu pei nai bawibawichi ai paleung hawi verei patawm ai nai patiu pi u.

Leu Thui Nai 4:45

Ni ly Aikupta pri i dengdairei theu nai bo y, Jordan tavo nisi ngan Bethpeora mary kangka i leaunghawi y tym u nai thym khala, Mosi my reitachi pei pi nai ne. Huni meingtym ly Hesabon mary y peang nai keung Amori samrang Sihon i khu ka-peang lawm bo. Mosi hawi Israela chengchi ly Aikupta pri i dengdairei theu chum nai bo y samrang ai tiu i pajau vui nai ne.

Leu Thui Nai 6:7

Huni reitachi ly nangmychi i cho chanauchi teng y patiu pi ai nai tla. Nangchi yhm y awn nai khala py, khuleaung keung py, anawn khala py, kalop sa nai khala py, huni reitachi avaw avawrei dawn ryhpatyh jo ai nai tla.