SAM 78:43 - Khumi Common Language Bible

⁴³ Aikupta pri Zoan adymra y rengrang nai saichi hawi, lyh ai hawi nai ka-ma-rachi patei pi, nanai py tami u veng bo.

SAM 78:43 ပူးပေါင်းရင်းမြစ်များ

NEHEMIA 9:10

Samrang Pharao i bangtangchi hawi khumi mipuichi ly nang i khumichi ai pahyp y naimy ana nai deaungkho y, nichi teng y nang ly lyh ai hawi parai nai ka-ma-rachi patei iy, pajengra tym hai bo. Huna nai y nang ly vaini khrairei amthang nai ne.

SAM 135:9

Huni pri y awm nai samrang Pharao hawi, ni i miteaung keh bawibawichi ai pajeng ai nai molam y, mymy ly rengrang ka-ma-rachi hawi, lyh ai hawi naichi sa pi nai ne.

SAM 78:12

Aikupta pri Zoan adym y nichi i amsi pajochi mei ka-niu y, Tameuh my rengrang ka-ma-rachi patei pi bo.

THEU NAI 4:21

Areng my Mosi teng y, “Vai nang ly Aikupta pri y vawi ali teang bo i, kaimy sa thai naira kang pei nai rengrang tlai naichi samrang i mo y so pi takengkei ba; na i py kaimy samrang i paleung tang hai ai; ni ly Israela chengchi ai theu ai nai pei ai ny y,” napi.

THEU NAI 7:3

Na i py kai ly samrang i paleung katang hai ai i, nang i leu tangai ai ny y. Aikupta pri y ka-jei awm parai nai rengrang tlaichi kapatei i py, pathi lawh y ai. Huna nai khala Aikupta pri y kai i sa thai naira patei iy, mipuichi tlang tleaung y pajeng naira len parai nai katym hai ai. Hunaibaly kai i khumi Israela cheng bawibawichi ai Aikupta pri i nai kapahawi ai.

AMTAW 7:7

Naibaly nichi ai miseaung palawn ai nai chengchi ai ly kaimy chih ai, naibaly hunai bo y nichi ly theu ai i, hini meingtym y kai i kalop sa ai, nanai thui.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 6:22

Mymy ly Aikupta chengchi teng py, nichi i samrang hawi bangtang bawibawichi teng py, rengrang ka-ma-rachi patei iy ka-jei awm nai patangrachi tym hai nai sai amychi i mei y niu u bo.