SAM 78:37 - Khumi Common Language Bible

³⁷ Nichi ly mymy i tlang tleaung y ka-ym by y, mymy hawi asa nai Leu Maikawm ai py kry u y.

SAM 78:37 ပူးပေါင်းရင်းမြစ်များ

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

SAM 119:80

Kai ly nang i reita leu pei naichi ai sai py takhawi y naimy tangai nai deaungkho y, sum naira hawi kangji kangai ngo hai mo kyh ba.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

JEREMIA 31:32

Huni Leu Maikawm ly nichi i amsi pajochi ai Aikupta pri i dengdairei patheu nai thym khala i, nichi hawi asa nai Leu Maikawm hawi atawm ai ny y. Kai ly nichi i juvo kamta ne teu i py, nichi ly kai hawi asa nai Leu Maikawm ai patawm u y.

Ezekiela 16:30

Sa thai naira angym nai Areng my leu pei nai ly “Nang ly kangji by y nai bima kamta, hina naichi sa bo.

HOSEA 10:2

Nichi i paleung ly cheng y nai deaungkho y, vaimy kamngo pajeng naira avum u ai. Tameuh ly nichi i maichamchi taphra iy, nichi chiu u nai leungchengchi taphra ai.

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

HOSEA 7:16

Nichi ly kai ai khai su iy sa thai naira by y nai tameuh teng y ahihawi u bo. Nichi ly akawi nai thailiho kamta, ka-ym by y. Nichi i lu sa naichi ly khumi aniu y nai leu katheu u nai deaungkho y, dei kahawi dei u y ai. Hunaibaly Aikupta chengchi my panui hai ai.”

AMTAW 8:21

Hinira y ly nang abawi y leang, abi py abi y leang; nang i paleung ly Tameuh i dawn naira y hawi y leang.

Leu Thui Nai 31:20

Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,