SAM 78:35 - Khumi Common Language Bible

³⁵ Tameuh ly mychi ai ama hai nai lengseaung pui kamta lawm nai py, tahm asang parai nai keung ly mychi ai sabawm ai nai ang jeu, nanai py nichi pany u bo.

SAM 78:35 ပူးပေါင်းရင်းမြစ်များ

SAM 106:13

Na i py nichi ly mymy i sa nai saichi ai vaimy tami veng ryp chum baly, mymy i lam patei naichi ajeng y naimy sa u vui bo.

SAM 106:21

Aikupta pri y lyh ai hawi nai leaungsaichi hawi, mymychi ai atleu pi nai Tameuh ai tami u bo.

SAM 74:2

Jangni dengdairei nangmy vawi takhra nai khumichi, nangmy i khumichi lawm ai nai miseaung i nai atleu pi nai khumichi ai pany jo ba. Vaichi khala nangmy awm reng nai Zion mawi ai pany jo kyh ba.

SAM 78:11

Nichi ly nang i sa nai leaungsaichi hawi, nang i sa nai rengrang ka-ma-rachi ai py, tami u pawn veng bo.

SAM 78:42

Nichi ly nang teng y sa thai naira haiho awm, nanai py, mychi ly paleung ka-echi kiu i nai nangmy atleu pi, nanai py,

SAM 78:7

Naibaly huni katu chanauchi ly Tameuh ai ym u ai i, mymy i sa pi nai saichi tami y naimy, reita leu pei naichi kry u jojo ai.

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 48:17

Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.

Leu Thui Nai 9:26

Naibaly kai i chiu sa nai ly ‘Sa thai naira awm nai Areng, nang i sa thai naira atho hawimy Aikupta pri i dengdairei pahawi nai, nangmy i khumichi ai tamyh moh kyh.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.