SAM 77:15 - Khumi Common Language Bible

¹⁵ Nangmy i khumi napi nai Jakob hawi Josepha cheng theaungchi ai sa thai naira hawi atleu bo.

SAM 77:15 ပူးပေါင်းရင်းမြစ်များ

SAM 72:18

Israela chengchi i Tameuh napi nai Areng ai ly palo u! Mymy naini hina nai lyh ai hawi parai naichi sa nai ne.

SAM 74:2

Jangni dengdairei nangmy vawi takhra nai khumichi, nangmy i khumichi lawm ai nai miseaung i nai atleu pi nai khumichi ai pany jo ba. Vaichi khala nangmy awm reng nai Zion mawi ai pany jo kyh ba.

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

DANIELA 6:28

Daniela ly samrang Dari peang nai neng hawi, Pasia cheng samrang Kuru peang nai neng khala y, hawi naira nga nai ne.

Leu Thui Nai 9:26

Naibaly kai i chiu sa nai ly ‘Sa thai naira awm nai Areng, nang i sa thai naira atho hawimy Aikupta pri i dengdairei pahawi nai, nangmy i khumichi ai tamyh moh kyh.

Leu Thui Nai 9:29

Meitang khyp, nichi ly nang i vawi nai khumichi ne iy, Aikupta pri i dengdairei, nangmy i sa thai naira len parai nai hawimy pahawi nai khumichi ne,’ nanai hnei takeng pi bo,” napi.

JOSUA 3:5

Naibaly Josua my khumichi teng y, “Khawndam ly Areng my nangchi teng y lyh ai awm nai ka-ma-ra patei ai i, nangchi ngan tlang apachai u,” napi.